Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
“I denoncoi Rama”/ Kush janë dy KRYEBASHKIAKËT që Altin Dumani zbuloi se po hetohen nga SPAK
PiranjatPërditësimi i fundit 15 Tetor 2025, 14:25
Një akuzë e fortë ndaj pavarësisë së drejtësisë ka ardhur nga ish-drejtori i Policisë së Shtetit, Ahmet Prençi. Duke komentuar raportimin e kreut të SPAK, Altin Dumani, në Komisionin e Ligjeve, Prençi tha se veprimet e strukturës anti-korrupsion ndjekin sinjalet politike të Kryeministrit Rama.
Ai përmendi dy kryebashkiakë të Shkodrës – Kristian Shkrelin e Vaut të Dejës dhe Hilë Currin e Fushë-Arrëzit – që sipas tij janë vënë nën hetim vetëm pasi u përmendën publikisht nga kryeministri.
“Kur flet Rama, SPAK lëviz menjëherë; kur flet opozita, drejtësia hesht”, tha Prençi me tone ironike.
Deklarata e tij ringjall debatin për pavarësinë reale të institucioneve të reja të drejtësisë, të cilat sipas kritikëve, po shndërrohen në instrumente selektive që veprojnë në bazë të zërit të politikës dhe jo të ligjit.
"Janë 2 raste në qarkun Shkodër, bëhet fjalë për bashkinë e Vaut të Dejës dhe të Fushë-Arrëzit. Ata e dinë tashmë që janë nën hetim. Të dy rastet i ka denoncuar publikisht kryeministri i Shqipërisë (Edi Rama). SPAK kur bërtet kryeministri dhe thotë shiko ti atje të Vaut të Dejës mos luaj me dy porta, SPAK menjëherë ka fillur hetimet. Ndërkohë që kur bërtet opozita që po bëhet nami në Durrës e Tiranë, po blihen vota me thasë në Fier e Vlorë e Elbasan sidomos, në mënyrë kategorike SPAK nuk ka kryer asnjë veprim”, tha Prençi.
