Kreu i PD Sali Berisha është kthyer në Tiranë pas vizitës në SHBA, ku në një prononcim të shkurtër nga Rinasi ...
POLITIKE
Ilir Beqaj: Koha për t’i dhënë fund proceseve që gjykojnë dikë pa e lejuar të lexojë dosjen e vet
PiranjatPërditësimi i fundit 4 Janar 2026, 14:06
Ish-ministri i Shëndetësisë, Ilir Beqaj përmes avokatit të tij, Ermal Yzeiraj ka ndarë një reagim lidhur me leximin e dosjes nga të pandehurit. Sipas tij dosjet dorëzohen në formë elektronike tek avokatët ndërsa i pandehuri përjashtohet nga leximi i dosjes së tij.
Ai shton se lidhur me kërkesën e tij për mundësimin e një pajisje për të lexuar aktet elektronike të dosjes gjyqësore, IEVP është përgjigjur se pajisje të tilla nuk lejohen për përdorim për arsye sigurie, kontrolli dhe ruajtjeje të rendit të brendshëm.
Sipas tij ligji fajësohet për një ndalim që nuk e parashikon dhe se institucionet shmangin përgjegjësinë. Ai shton se një e drejtë themelore gërryhet çdo ditë, pa zhurmë.
Beqaj shton se shpreson për një reagim nga Dhoma Kombëtare e Avokatisë. Sipas tij në rast se s’ka reagim problemi nuk është më vetëm mungesa e aksesit të të akuzuarit të paraburgosur në dosjen e tij gjyqësore, por edhe mungesa e vetë mbrojtjes.
“Koha për t’i dhënë fund proceseve që gjykojnë dikë pa e lejuar të lexojë dosjen e vet. Duke ju uruar gjithë shqiptarëve. Gëzuar Vitin e Ri 2026, po e nis këtë vit të ri duke rihapur publikisht një problem tashmë “të vjetër”, të mbartur nga viti ne vit që megjithëse është bazik dhe themelor për një proces të rregullt ligjor, vazhdon të mos zgjidhet nga ata që kanë për detyrë ta zgjidhin.
Reagoj tani, pa pritur nisjen formale të proceseve të reja gjyqësore, sepse këto procese po nisin mbi të njëjtat shkelje të toleruara prej kohësh. Të heshtësh qe në fillim do të thotë ta pranosh standardin e cenuar si normalitet.
Prej 6 vitesh në Gjykatën e Posaçme po zhvillohen dhjetra procese penale. Dosjet janë me mijëra faqe dhe Prokuroria e Posaçme ua dorëzon ato avokatëve në formë elektronike, në format PDF, ndërsa Gjykatës ia dërgon edhe të printuara.
Ndërkohë, i pandehuri i paraburgosur mbetet praktikisht i përjashtuar nga leximi i dosjes së tij, pasi IEVP nuk i mundëson atij një kompjuter pa akses në internet, qoftë edhe në një ambient të posaçëm të institucionit dhe për një kohë të kufizuar, nën monitorimin e personelit penitenciar.
