Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
"Jemi para një katastrofe mjedisore"/ Lala nxjerr shkresën e landfillit të Sharrës për bashkitë: S’ka vend për plehrat! Janë zhdukur 140 mln euro...
b.zPërditësimi i fundit 13 Mars 2025, 22:47
Klodiana Lala
TIRANË - Gazetarja Klodiana Lala ka publikuar këtë të enjte një shkresë të kompanisë nën administrim shtetëror të landfillit të Sharrës për ezaurimin e kapaciteteve të venddepozimit të mbetjeve të disa bashkive të qarkut Tiranë.
E ftuar në emisionin “Të Paekspozuarit” në MCN TV, Lala nxjerr shkresën që daton me 2 shkurt, 8 ditë para arrestimit të Veliajt, dhe udhëzon bashkitë që të ndajnë mbetjet në burim se nuk ka më mundësi për plehrat duke paralajmëruar një katastrofë ambientale.
Lidhur me këtë Lala thotë se shkresa tregon qartë se qeveria Rama e ka çuar deri në atë pikë situatën, sa Tirana dhe gjithë qarku mund të përmbytet nga plehrat dhe mund të jemi para katastrofës mjedisore.
Lala deklaron ndër të tjera se për mbetjet kanë ikur miliona dhe po mbyllet landfilli. Ajo shton se SPAK nuk ka dërguar përgjegjësit e vërtetë në burg.
“Bllako ka dy raste një rast që ka propozuar punësimin e Vladimir Bezhanit dhe nga ana tjetër dyshohet se ka përfituar një shumë për pajisjet e kompanisë së babait. Nuk dua të ndalem te zoti Bllako sepse nuk mendoj se peshku i madh është ai.
Ai iku njëherë, e morën me dhunë pastaj e sollën. Gjithë kapacitetet në landfillin e Sharrës po ezuarohen. Mendohet se janë zhdukur 140 mln euro, landfilli është drejt mbylljes. Imagjino se çfarë do të ndodhë me Tiranës. Mund të mbytet nga plehrat.
Shkresa tregon se qeveria Rama e ka çuar deri në atë pikë situatën, sa Tirana dhe gjithë qarku mund të përmbytet nga plehrat dhe mund të jemi para katastrofës mjedisore.
Agjencia u kërkon bashkive që të bëjnë ndarjen e mbetjeve në burim. Qytetarët që kur nxjerrin mbetjen nga shtëpia duhet ta ndajnë dhe kur shkojnë në kosh t’i kenë të përcaktuar. Fola me bashkinë e Kavajës, dhe thanë që është e pamundur sepse nuk kemi kapacitete njerëzore, financiare dhe e vetmja mundësi që po propozojmë është të hapim një landfill të vjetër që ka shfrytëzuar bashkia e Kavajës. Kanë milionë euro të vjedhura, kemi Bllakon dhe Kokën në burg. Kanë ikur miliona dhe po mbyllet landfilli. SPAK nuk ka dërguar përgjegjësit e vërtetë në burg”- tha Lala.
