Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Jemi vendi me rritje më të lartë në Europë"/ Rama takim me përfaqësues të turizmit në Durrës: Shqipëria ka paga njësoj, ose më të mira se sa Greqia!
E.DPërditësimi i fundit 10 Prill 2025, 18:33
DURRËS- Kryeministri Edi Rama gjatë takimit me përfaqësues të sektorit të turizmit në Durrës u shpreh se sektori i turizmit në vendin tonë ka regjistruar një zhvillim të dukshëm. Kryeministri theksoi se pagat e punonjësve janë rritur ndjeshëm në sektorin e turizmit. Ndër të tjera Rama tha se Shqipëria ka paga njësoj ose më të mira se sa Greqia, në një nivel të caktuar të hotelerisë. Rama gjithashtu tha se sipas Organizaëts Botërore të Rurizmit Shqipëria është vendi me rritje më të lartë në Europë.
"Pagat janë rritur në mënyrë të ndjeshme në sektorin e turizmit. Tani të gjithë e kanë kuptuar se krahu i lirë i punës nuk mund të jetë një avantazh konkurruese. Ne kemi paga njësoj ose më të mira se sa në Greqi në një nivel të caktuar të hotelerisë tonë.
Kemi një volum projektesh në vazhdim që janë vërtet një gjeneratë tjetër e turizmit, e arkitekturës e të kuptuarit të cilësisë dhe gjeneratë tjetër e volumit financiar. Besoj që edhe volumi i investimeve të qeverisë dhe të bashkive është rritur ai asnjëherë më përpara në funksion të turizmit dhe do vazhdojë të rritet.
Sipas Organizaëts Botërore të Rurizmit ne jemi vendi me rritje më të lartë në Europë, gjithmonë rritje në raport me vetveten dhe në pesçen e parë në botë për rritje të vazhdueshme çdo vit në këtë sektor. Këto janë të dhëna që gjenden fare lehtë në klasifikimin e Organizatës Botërore të Turizmit," tha Rama.
