Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
POLITIKE
"Ka qenë një rrugë e gjatë!" Takimi inaugurues i Komitetit të Përbashkët Konsultativ, Rama: BE na ka surprizuar me gatishmërinë për të na marrë
M.BPërditësimi i fundit 4 Prill 2025, 10:45
TIRANA- Kryeministri Edi Rama mbajti sot një fjalim në takimin Inagurues të Komitetit të Përbashkët Konsultativ me Komitetin Ekonomik dhe Social të BE. Ky takim shënon një hap të rëndësishëm në rrugën e integrimit europian të Shqipërisë ndërsa Rama tha se vendit tonë i është dhënë një mundësi më e mirë për t’u integruar në BE. Sipas tij, Shqipëria po jeton në një moment ku Brukseli dhe BE janë me vullnetin e plotë dhe gatishmërinë për të bërë vendin tonë pjesë të BE-së.
“Ne e vlerësojmë se falë mënyrës së hapur jemi mirëpritur brenda kështjellës së Brukselit si të barabartë dhe na është dhënë mundësia për t’u ndjerë si të barabartë dhe jam entuziast që Komiteti do të shërbejë për qëllimin që të nxitë aktorët tanë të rriten dhe të bëhen pjesë e anëtarësisë së Shqipërisë.
Ka qenë një rrugë e gjatë siç u përmend me elegancë nga Presidenti, në shumë situata ku e gjetëm veten të mbërthyer, por më duhet të them që tashmë po lëmë, apo jetojmë në një kohë ku Brukseli dhe BE na kanë surprizuar me gatishmërinë për të na marrë brenda.
Kur kujtoj që prej herës së parë kur e nisëm këtë rrugëtim të gjatës, më shumë se 30 vite më parë, është hera e parë që yjet tona janë në një linjë me BE. Sigurisht BE ka qenë i kujdesshëm të thotë që vendi ynë një ditë do të jetë në Europë, por nuk e kemi ndjerë atë që kemi ndjerë së fundmi , gatishmërinë për ta bërë realitet”, tha Rama.
