Autoritetet ukrainase kundër korrupsionit, NABU dhe SAPO, kanë nisur një aksion ndaj zyrtarëve të Prokurorisë së Përgj...
POLITIKE
"Kam garanci që është i pastër si qelibar"/ Blushi: Meta po mbahet në qeli padrejtësisht, procesi ndaj tij është politik
PiranjatPërditësimi i fundit 22 Maj 2026, 16:48
Deputeti i Partisë së Lirisë, Tedi Blushi ka deklaruar se procesi gjyqësor ndaj ish-presidentit të vendit, Ilir Meta është një proces poltik. Gjatë një interviste në emisionin “Programin e drekës” në News24, Blushi u shpreh se Meta po mbahet në qeli padrejtësisht dhe se nuk ka asnjë provë ndaj tij.
Sipas tij nuk ekziston një çështje "Meta", pasi nuk ka një dosje të tillë dhe nuk ka fakte në të. Në fund, deputeti i PL-së tha se vendimet e lidhura me çështjen e tij janë të ndikuara politikisht, nga kryeministri Edi Rama.
Tedi Blushi: Ndaj zotit Meta po vijon një proces politik gjyqësor. Nuk ka asnjë provë ndaj tij. Po mbahet në qeli padrejtësisht. Prokurori dhe ai që urdhëroi arrestimin ishte zoti Rama. Shpresojmë që mos të jetë dhe ai gjykatësi i zotit Meta. Kam garanci të plotë që zoti Meta është i pastër si qelibar. Këtë mund të jap garanci juve dhe shqiptarëve. Në raport me ligjin dhe kushtetutën, është ai Ilir Meta që njohin shqiptarët dhe jo ai që u përpoq të shpenzonte mln euro për të dëmtuar figurën e tij, si Soros apo Mcgonigal, dhe ata që vishen apo jo me fustan.
Por do ketë fakte. Nuk ka një çështje Meta, pasi nuk ka një dosje të tillë. Nuk ka fakte në të. Kemi të bëjmë me një farsë, një proces politik. Për të justifikuar rrëmbimin mafioz që e panë dhe shqiptarët. Pasi zoti Meta rrëmbehet dhe pasi në 4 nëntor mbahen zgjedhjet në Amerikë.
Këta nuk kanë dashur që të administrojnë provat. Kanë dashur që të respektojnë me përpikëri urdhrin e Ramës. Kjo është dhe arsyeja se pse seancat kanë qenë të bunkerizura, që mos të dalin faktet. Seancat të çbunkerizohen
