Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Këlliçi: Edi Rama kthen sonte autoambulancat e spitaleve në një karvan elektoral, duke shpërndarë para për të blerë vota nëpër Shqipëri
E.DPërditësimi i fundit 9 Maj 2025, 18:57
TIRANË- Drejtuesit politik i PD-së në Tiranë, Belind Këlliçi, ka denoncuar se kanë marrë informacione të sigurta se rrjeti i ambulancave të spitaleve publike të Tiranës, do të përdoren nga patronazhistët për të shpërndarë para dhe blerë vota. Në një deklaratë Këlliçi theksoi se patronazhistët e Edi Ramës do të lëshohen sonte rrugëve duke përdorur mjetet e transportit të pacientëve dhe të sëmurëve si bankomate për blerjen e vullnetit të zgjedhësve. Këlliç gjithashtu i bëri thirrje SPAK se që të vërë në lëvizje Task Forcën e zgjedhjeve.
Deklarata e drejtuesit politik i Tiranës, Belind Këlliçi:
Informacione të sigurta të mbërritura në adresë të Partisë Demokratike, konfirmojnë se rrjeti i ambulancave të spitaleve publike të Tiranës do të kthehet sonte në karvan elektoral, duke shpërndarë para për blerjen e votave.
Patronazhistët e Edi Ramës do të lëshohen sonte rrugëve duke përdorur mjetet e transportit të pacientëve dhe të sëmurëve si bankomate për blerjen e vullnetit të zgjedhësve.
I bëjmë thirrje SPAK që të vërë në lëvizje Task Forcën e zgjedhjeve. Toma në Shkodër është vetëm nxënësi i Edit në Tiranë.
U bëjmë thirrje drejtorëve të spitaleve, përgjegjësve të rrjetit të ambulancave, që të mos përfshihen në këtë shkelje të hapur të ligjit, sepse do të listohen si terroristë elektoralë dhe do të përgjigjen një më një.
Ne përsërisim edhe njëherë mesazhin e qartë të Rezolutës së Partisë Popullore Europiane se, nëse makineria shtetërore ndërhyn në zgjedhje, rruga e integrimit të Shqipërisë ndalet.
Kush vjedh zgjedhjet e ka të shkruar qartë fatin në Uashington, Bruksel dhe Berlin!
