Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
POLITIKE
Këlliçi takim me kongresmenë në Uashington: Shqipëria dështoi në luftën ndaj krimit të organizuar!
PiranjatPërditësimi i fundit 6 Shkurt 2026, 18:53
Deputeti i Partisë Demokratike, Belind Këlliçi, gjatë një vizite zyrtare në Uashington, së bashku me përfaqësues të tjerë të PD-së, ka zhvilluar takime në Kongresin Amerikan me disa ligjvënës amerikanë.
Në fokus të këtyre takimeve, sipas Këlliçit, ka qenë situata e krimit të organizuar në Shqipëri dhe bashkëpunimi i institucioneve shqiptare me partnerët ndërkombëtarë, çështje të cilat ai i ka ngritur si shqetësime kryesore gjatë bisedimeve me kongresmenë të cilësuar prej tij si miq të Shqipërisë.
Statusi:
Në Kongresin Amerikan me shumë miq të Shqipërisë, mes tyre Kongresmeni Clay Higgins, anëtar i lartë i Komitetit të Mbikëqyrjes dhe Reformës së Qeverisjes në Dhomën e Përfaqësuesve dhe Kryetar i Nënkomitetit për Zbatimin e Ligjit Federal.
Me Kongresmenin Higgins kishim mundësi të diskutonim sesi Shqipëria ka dështuar të luftojë krimin e organizuar, duke bashkëpunuar me të dhe duke e forcuar vit pas viti.
Sistemi i drejtësisë dhe agjencitë ligjzbatuese duhet të sigurojnë pavarësinë dhe të bashkëpunojnë ngushtë me partnerët, me qëllim luftën me efikasitet ndaj krimit të organizuar, korrupsionit dhe karteleve transatlantike të drogës, të cilat në Shqipëri partner kryesor kanë qeverinë e drejtuar nga Edi Rama.
Në të njejtën frymë u zhvilluan dhe bisedat me Kongresmenët Tim Walberg, Tracey Mann, Joe Wilson dhe Pete Sessions.
