Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
POLITIKE
Berisha: Për faj të Ramës mund të ndërpritet integrimi i Shqipërisë në BE
Nga Xhuljan FerzajPërditësimi i fundit 6 Shkurt 2026, 12:48
Kryetari i Partisë Demokratike, Sali Berisha në një konferencë me gazetarët deklaroi se Edi Rama po kthehet në kërcënim për integrimin e vendit në BE.
Sipas Berishës, skandalet e AKSHI-t, Dosja Balluku dhe lidhja e tij me krimin po bëhet pengesë kryesore për hapat e mëtejshëm të integrimit.
“Jam këtu për të denoncuar kërcënimin më madhor të Ramës dhe mafies së tij që qëndron në parlament dhe institucione të tjera. Po kërcënojnë procesin më jetik, procesin e integrimit të Shqipërisë në Bashkimin Europian, lajmet që vijnë nga BE dhe kancelaritë europiane rezulton se Edi Rama është me rreth të kuq, i lidhur me krimin. Për interesa të pushtetit të tij, për të mbrojtur krimet e rënda që ka kryer, është i aftë të marr çdo vendim, pavarësisht se bllokon integrimin në BE.
Burime shumë serioze informojnë se bisedimet që zhvillohen në BE, nuk përjashtohet opsioni i ndërprerjes së procesit të integrimit të Shqipërisë për fajin e Edi Ramës.
Dosja e tij për AKSHI-n, dhe Ballukun është bërë rrezik serioz. Marrja e fatit tonë në dorë, është e vetmja mënyrë për të shpëtuar vendin, prandaj kërkojmë që ti hiqet imuniteti Lubi Ballukut.
Në dy përfaqësi të Europës dhe botës, Geron Meçe ka treguar aferat e Ramës me AKSHI-n, dhe për këtë gjë kryeministri është i vetëdijshëm për problemet që ka. Dosja e AKSHI-t, i ka lënë pa mend kancelaritë e Bashkimit Europian”, tha Berisha./Piranjat News
