Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
POLITIKE
Bushati: Ankesat e Ramës hipokrizi! I vetmi që ka përfituar nga kapja e drejtësisë
PiranjatPërditësimi i fundit 6 Shkurt 2026, 09:18
Analisti Andi Bushati, thotë se ankesat e Ramës për drejtësinë, janë hipokrizi, pasi ai është i vetmi person në dy milionë e ca shqiptarë, që ka përfituar nga kapja e drejtësisë duke qëndruar në pushtet.
“Pse e bën Rama këtë? Ka dis muaj që është futur në një kurs që të kritikojë disa vendime të drejtësisë, gjë që nuk e ka bërë më parë. Tani, që në njëfarë mënyre të justifikojë një ndryshim të lehtë qëndrimi, duhet një retorikë që ta mbushë këtë, këtë bën zakonisht Rama, fut këta gjyqtarët për të njollosur, që të ketë më të lehtë goditjen.
Unë them si SPAK, si GJKKO, si gjithë reforma në drejtësi është dështim kolosal, kthim te drejtësia e plepave të Berishës së ’93. A është Rama njeriu i cili duhet të ankohet nga kjo drejtësi e reformuar? Kjo e bën më hipoktrit qëndrimin e Ramës. Nga kjo drejtësi e keqe për dy milionë e ca shqiptarë, i vetmi njeri që ka forcuar pushtetin e tij, është Edi Rama. Perfituesi i këti shtrembërimi është Eid Rama. Duket hipokrikte, se të ankohet i vetmi njeri që nga kjo drejtësi ka përfituar, ka një nonsense“, tha Bushati.
Analisti dha disa shembuj se si drejtësia ka dështuar, duke përmendur betejën legjendare mes Sali Berishës dhe Enkelejd Alibeajt për vulën e PD-së nëpër gjykata, që e shtynin çështjen, duke krijuar një problem artificial për lidershipin e PD.
“Këta palaço, na kanë bërë të diskutojmë, i takon PD-ja Enkelejd Alibeajt apo jo? Shkonte Yuri Kim atje, është marrë dy vjet ky vend se mos PD është e Alibesë…
Do tjetër? Shife këtë rastin e kësaj, Irena Gjokës, fiton fallco vettingun, tërhiqet komisioneri i shkallës dytë. I kanë dalë të gjithë letrat, ka bërë gjithë gjyqet politike në këtë vend. Ajo do të jetë kamikaze, por nuk funksionon as Prokuroria e Përgjithshme, as Këshilli i Lartë i Gjyqësorit. Kemi drejtësi të kapur totalisht dhe kur i bëjnë gjërat dhe shkeljet aq flagrante për gjëra që janë në sy të publikut, mendo se çfarë i bëjnë qytetarit të thjeshtë në heshtje. Që në 2016, më gjeni një me numër, një qytetar të ketë patur një konflikt toke, për një pallat, një ndërtim, me një oligark dhe ta ketë fituar. Kjo do të ishte drejtësia e re. Zero shembuj”, tha Bushati.
