Një ngjarje e rëndë ka ndodhur në zonën e Lozhanit në Maliq ku një efektiv i forcave ‘Shqiponjave’ ka mbetur i ...
POLITIKE
"Kemi krijuar një rrjet damarësh dhe arteriesh", Rama: Shqipëria do jetë Austria dhe Zvicra e Ballkanit
r.llPërditësimi i fundit 15 Prill 2025, 18:37
edi rama
TIRANË- Kryeministri Edi Rama në fjalën e tij gjatë prezantimit të programit elektoral për infrastrukturën e "Shqipërisë 2030" u shpreh se do të kemi dy autostrada të klasit A që janë korridor europian. Për Korridorin Blu, ai tha se është një rrugë që do të rrisë ekonominë dhe një rrugë e domosdoshme për të arritur qëllimin që Shqipëria të jetë shteti kampion i turizmit në rajonin e Ballkanit.
Rama:Ajo që dua të nënvizoj është se janë hapur tendera gjatë gjithë aksit nga Shkodra deri poshtë, por nuk është bërë kurrë një rrugë që të ketë lidhje me një korridor europian dhe është lejuar të pushtohet rruga nga çdokush. Në rrugën për Fier do detyrohemi ti shmangemi aksit aktual disa here sepse u ni s si autostradë, por ajo është rrugë rreziqesh.
Tani do kemi dy autostrada të klasit A që janë korridor europian. Kur e lançuam Korridorin Blu talleshin me ne: Nuk di gjë piktori etj. Por kjo rrugë do rrisë ekonominë dhe është rrugë e domosdoshme duke qenë se në synojmë qartë të jemi shteti kampion i turizmit ne Ballkan.
Të gjitha këto rrugë janë vena dhe arterie që kemi ndërtuar gjithë këto vite, bëjnë sens sepse janë të gjitha të lidhura me njëra-tjetrën. Nuk është se kemi gjetur një shteg dhe i kemi futur një rrugë kot, për të marrë vota. Është një rrjet damarësh që i ka dhënë frymëmarrje gjithë vendit. Do të jetë një Zvicër, një Austri e Ballkanit sa i përket turizmit. I njëjti nivel. Por, kjo i takon dekadave të tjera.
