Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
POLITIKE
"Keni dëmtuar fasadën gjatë protestës"/ Bashkia e Tiranës gjobit Aleancën për Mbrojtjen e Teatrit
b.zPërditësimi i fundit 7 Qershor 2024, 15:50
Adriana Kalaja
TIRANË - Aleanca për Mbrojtjen e Teatrit ka njoftuar këtë të premte se ka marrë një masë administrative nga Bashkia e Tiranës, pasi gjatë protestës së zhvilluar para këtij institucioni kanë dëmtuar fasadën e godinës. Sipas njoftimit në rrjete sociale thuhet se gjoba i faturohet avokates së AMT-së, Adriana Kalaja.
Alenaca për Mbrojtjen e Tetarit e ka cilësuar masën administrative si antiligjore, dhe si një hakmarrje personale ndaj Kalasë, për shkak të tubimeve që ka thirrur kundër kryebashkiakut Erion Veliaj pas aferës "5D", duke kërkuar dorëheqjen e tij.
"Në fakt, e gjithë politika e Veliajt në krye të Bashkisë Tiranë, është ajo e gjobëvënies por me ne Qendrestarët e AMT, i ka "ngelur sharra në gozhdë",- thuhet ndër të tjera në reagim.
Njoftimi i Plotë:
Të nderuar Qëndrestarë, Mbështetës dhe Miq të Aleancës për Mbrojtjen e Teatrit.
I korruptuari, korruptuesi dhe pastruesi i parave të pista të mafies Erion Velia, vijon me urrejtje hakmarrjen ndaj Aleancës për Mbrojtjen e Teatrit si dhe aktivistes e avokates së saj.
Sot informohemi nga Agjensia e Mbrojtjes së Konsumatorit se është marrë një masë administrative nga specialstë të kësaj agjensie,( të njëjtët që vrasin 4 putrosha të pafajshëm, pasi vjedhin së bashku me Velinë fondet e tyre) se në protestën e datës 28.05.2024 janë shkaktuar "dëme" prej "subjektitit" AMT fasadës së Bashkisë Tiranë, duke i kërkuar këtij "subjekti" shpërblimin e dëmit të shkaktuar dhe duke e ndëshkuar këtë "subjekt" me gjobë!!??? Dhe kjo gjobë i faturohet aktivistes dhe avokates së AMT-së, Adriana Kalaja!!!
Pse nuk u vlerësuan dëmet për protestat e bëra nga 5 prilli apo Veliaj mendoi se ne do i ndalonim protestat?
Së pari, dallohet lehtësisht halli dhe sikleti i anëtarit të kupolës mafioze, Veliaj dhe shërbëtorëve të tij, por nuk ua zgjidhim dot.
Së dyti, nisur nga ky hall i madh, në turravrap e nxitim të paparë, nuk marrin minimumin e informacionit se AMT nuk është subjekt juridik, por grupim në frymë, i artistëve dhe qytetarëve të lirë që kanë vendosur t'i qëndrojnë përballë mafies së betonit e plehrave që përfaqëson Veliaj. Kemi qenë dhe jemi për me çdo kusht të Tiranës.
Së treti, i kujtojmë banditit Veliaj dhe të tijve, që kanë shkatërruar Tiranën, se ne që kemi hyrë në vitin e shtatë (7) të protestës dhe që nuk na ndalën me asgjë, as me presion e as me shit-blerje, do të vijojmë, derisa këta mafiozë të përgjigjen para ligjit.
Pasi humbi gjyqin në Gjykatën Kushtetuese, pasi me gjithë përpjekjet në SPAK, çështjen nuk po e mbyll dot, pasi ka dështuar në këto vite me përçarjen e AMT, ndaj artistëve dhe qytetarëve me integritet të Aleancës, tani gjen metoda antiligjore si ajo e gjobës.
Në fakt, e gjithë politika e Veliajt në krye të Bashkisë Tiranë, është ajo e gjobëvënies por me ne Qendrestarët e AMT, i ka "ngelur sharra në gozhdë".
Mbi të gjitha, ky veprim ndaj aktivistes dhe avokates Kalaja përveç se është antiligjor, vjen si një hakmarrje perverse. Pasi shpifi se ishte e dënuar dhe në gjykim tha se nuk i përmenda emrin, pasi dha urdhër për t'i hapur dosje nga Policia e Taulantit të narko shtetit, tani e gjobit personalisht.
Ne sigurojmë të gjithë Qendresrarët, Mbështetësit dhe Miqtë e AMT, se jo vetëm do ta çojmë në Gjykatën Administrative, por do vijojmë betejën deri sa ky kriiminel të shkojë pas hekurave e të paguajë për:
Çerdhet, kopshtet dhe shkollat e munguara,
Parqet dhe këndet e lodrave të munguara,
Është e kuptueshme se, kriminelin Veliaj nuk e mbron dot as Dumani, as Kondili e as gjobat e AMK.
