Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
Korrupsioni/ Tabaku: Nuk luftohet me ata që kanë qenë të përfshirë në afera korruptive
E.DPërditësimi i fundit 6 Korrik 2024, 12:16
Jorida Tabaku
TIRANË- Deputetja e PD, Jorida Tabaku, ka deklaruar se korrupsioni nuk luftohet me ata që kanë qenë të përfshirë në afera korruptive. Tabaku përmes një videomesazhi në rrjetet e saj sociale tha se qeveria ka mbrojtur korrupsionin dhe ka sulmuar këdo që e ka kritikuar këtë të fundit dhe ka zbuluar aferat korruptive në koncesione dhe PPP. Më tej ajo shtoi se Lufta kundër korrupsionit duhet të ishte bërë prioritet kombëtar vite më parë dhe jo ajo që po bëhet sot si një alibi për të dalë nga situata ku janë zhytur.
“Sot, korrupsioni është kthyer në endemik, në çdo qelizë të shoqërisë qoftë në nivelin qendror dhe në atë lokal. Në bllok qeverisja i ka dal për zot çdo afere korruptive, çdo kontrate koncesionare por dhe çdo individi të përfshirë. Por a mund të jenë këto që janë bërë mburojë e korrupsionit për vite me radhë zgjidhja për situatën që ndodhet sot Shqipëria? Lufta kundër korrupsionit duhet të ishte bërë prioritet kombëtar vite më parë. Dhe jo ajo që po bëhet sot si një alibi për të dalë nga situata ku janë zhytur. A mund të jetë ilaçi për të shëruar një sëmundje ai që e ka shkaktuar këtë sëmundje? Kjo natyrisht duhet të ndodhë ndryshe, me një mëndësi të re, me një ide të re, me një vizion të ri por edhe me një ekip të ri. Me këto njerëz që kanë qenë të përfshirë në afera korruptive ku janë bërë mbulesë e korrupsionit ne patjetër që nuk mund ta luftojmë atë qoftë edhe për procesin e integrimit”, tha Tabaku.
