Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
“Kosto edhe për Shqipërinë”, deputeti italian: Pakti me Melonin do dështojë, nuk duhet të pranojë burgje në vendin e saj
I.APërditësimi i fundit 16 Tetor 2024, 14:34
TIRANË- Deputeti opozitar italian, Riccardo Magi ka deklaruar se marrëveshja e dy kryeminstrave Edi Rama dhe Georgia Meloni nuk do të ketë asnjë efekt për zgjidhjen e problemit të emigracionit dhe bëhet vetëm për propagandë. Madje, sipas deputetit italian, ky operacion do të dështojë dhe Shqipëria do të paguajë një kosto si në reputacion ashtu edhe në raport me BE-në. Në një intervistë për Euronews Albania, deputeti italian Magi tha se pakti i Ramës me Melonin nuk do të funksionojë.
“Sot po ndodh diçka historike por jo në aspektin pozitiv, po ndodh diçka që nuk ndodhte që nga lufta e Dytë Botërore që qytetarët e huaj të dëbohen në qendra koloniale në një vend të huaj. E gjitha kjo bëhet për një operacion propagande nga qeveria italiane. Sot pamë një patrullues të marinës italiane të sillet 16 persona, ndërkohë që një ditë më parë mbërritën në Itali 1 mijë emigrantë, dhe këta 16 u sollën me kosto shumë të madhe për taksapaguesit italianë. Ne jemi të bindur se kjo marrëveshje do të hasë shumë probleme me gjykatat italiane, këta janë njerëz që nuk kanë kryer krime dhe mbyllja e tyre në qendra burgimi… Nuk do ketë asnjë efekt për zgjidhjen e problemit të emigracionit dhe bëhet vetëm për propagandë.
Shqipëria e ka pranuar këtë marrëveshje për shkak të miqësisë por ka rreziqe edhe për Shqipërinë se nëse rezulton siç parashikojmë se që kjo marrëveshje do jetë një dështim, deri më sot kryeministri Rama ka deklaruar se Shqipëria nuk mban përgjegjësi për atë që ndodh dhe lan duart nga çështjet juridike, por nëse ky operacion do të dështojë dhe shpresojmë që po, edhe Shqipëria do paguajë një kosto si në reputacion dhe në raport me BE. Për një vend si Shqipëria imazhi dhe marrëdhënia me BE nuk janë gjëra pa rëndësi dhe nuk është diçka pozitive që të pranojë që vende të tjera të hapin burgje në territorin e saj”, tha deputeti italian.
