Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Kreu i 'Konkurrencës' te 'Ekonomia'/ Biba: Jemi të kufizuar në hetimet tona, kërkojmë sekuestrim të celularëve
PiranjatPërditësimi i fundit 24 Tetor 2025, 12:05
Denar Biba, kreu i Autoritetit të Konkurrencës, ka treguar kufizimet që ka institucioni që ai drejton në hetime, duke raportuar në Komisionin e Ekonomisë të Kuvendit. Ai shpjegoi se në disa shtete të Bashkimit Europian dhe jo vetëm, si Polonia, Turqia, Italia dhe Gjermania, autoritetet ligjzbatuese kanë mundësinë të hyjnë në celularët e individëve dhe të nxjerrin informacion të rëndësishëm për hetimet, duke ruajtur hierarkinë e shtetit ligjor dhe privatësinë personale.
Biba solli shembullin e Prokurorisë së Posaçme, e cila ka mundësinë të sekuestrojë celularët dhe të kryejë hetime të tilla, duke u shprehur se kjo është një praktikë që mund të përmirësojë proceset hetimore në Shqipëri, pasi vetëm në këtë mënyrë mund të bëhet një punë efektive në mbledhjen e provave.
Nuk arritëm të evidentonim marrëveshje të fshehtë mes tyre. I hymë në kompjutera, iu shkuam nëpër zyra. Kaq janë mundësitë tonë. Kur e kam thënë që homologët tanë ju marrin celularët, ka pasur humor, doni të bëheni SPAK numër dy etj. Ky (celulari) është tradhtari më i madh për çdo lloj gjëje. Nëse do realisht të bësh punë skrupuloze hetimore, kjo është. Edhe ata zotërinjtë e SPAK-ut apo të prokurorisë në Shqipëri shumicën e sukseseve të tyre i kanë pasur nga Sky, nga EncroChat. Ne nuk e kemi këtë mundësi. Polakët e kanë, turqit e kanë, italianët, gjermanët, të gjitha vendet e BE-së i kanë, për tre sekonda, të marrin të ulin në respekt edhe të privatësisë, ta hapin celularin me laptopin e tyre dhe të thonë, këtë file-n e ke privat apo jo. Punonjësi i autoritetit i shikon të gjitha fotot. Kështu funksionon. Jetojmë në një botë ku privatësia nuk është aq e rëndësishme para shtetit të së drejtës dhe rendit.
