Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Kryemadhi: SPAK shantazhoi dëshmitarë kundër meje dhe Metës, prokuroria ka gënjyer gjykatën
PiranjatPërditësimi i fundit 29 Shtator 2025, 21:29
Ish-deputetja, njëkohësisht ish-kryetarja e LSI-së Monika Kryemadhi ka reaguar lidhur me akuzat ndaj saj dhe Ilir Metës nga SPAK, duke theksuar se asnjë nga personat e thirrur nuk ka dëshmuar kundër tyre.
‘Kemi problem në dosjen Meta dhe në dosjen time. Ka dëshmitarë që janë shantazhuar,’ deklaroi Kryemadhi. Ajo tregoi për një prej dëshmitarëve, të cilit, sipas saj, i është blerë shtëpia nga ajo dhe nëna e saj, me kontrata të gjitha të rregullta dhe të deklaruara në bankë. Personi është intimiduar, i është thënë se ke marrë para kesh nga Fatime Kryemadhi. Më pas është arrestuar për 3 muaj pa asnjë shkak, për t’i bërë presion,’ shtoi ajo.
Një rast tjetër që Kryemadhi përmendi është ai i personit që ka shitur apartamentin e nënës së saj, i cili sapo kishte ardhur nga Kanadaja dhe është mbajtur për orë të tëra në SPAK, ku u intimidua dhe u mbajt gjatë natës në polici për t’u thirrur më pas sërish në prokurori.
‘Edhe personi tjetër që ka bërë shitjen e apartamentit të mamasë time. Sapo ka zbritur nga avioni erdhi nga Kanadaja është mbajtur ne SPAK është mbajtur për orë të tëra dhe është intimiduar.
I kanë mbajtur gjithë natën në polici, pastaj i kanë dërguar në prokurori. Më pas u kanë thënë ikni e shplodhuni se do ju thërrasim prap. Sepse vetë metodologjia që ka përdorur SPAK në këtë çështje nuk ka qenë për të zbardhur për të vërtetën, por për të marrë qoftë edhe një deponim me një klauzolë ose një fjali, që ka të bëjë,’ tha Kryemadhi, duke akuzuar prokurorinë se ka ‘gënjyer gjykatat’ dhe ka ‘tjetërsuar deklaratat.’
Ajo njoftoi se gjyqi ndaj Ilir Metës dhe saj do të jetë i hapur për publikun.
‘Nga prokurorët ka pasur tjetërsime të deklaratave. Prokuroria ka gënjyer gjykatat. Gjyqi i Ilir Metës, Monika Kryemadhit do të jetë i hapur për publikun’, theksoi Kryemadhi.
Po ashtu, Kryemadhi përmendi dëshminë e Kastriot Ismailit, i cili sipas saj, ka pohuar se dëshmia e bashkëshortes së saj nuk është e vërtetë dhe se ka ardhur nga një moment emocional.
‘Kam dhe dëshminë e Kastriot Ismailit i cili thotë se, dëshmia e bashkëshortes time nuk janë të vërteta se kanë ardhur nga një moment emocional. Dëshmia e bashkëshortes së Kastriot Ismailit është regjistruar nga një gazetar, nuk është dëshmi e dhënë para SPAK-ut’, tha ndër të tjera Monika Kryemadhi në SYRI TV.
