Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
POLITIKE
Kryeministri Rama shkon sërish në bashkinë e Tiranës, zhvillon takim me nënkryetarët
r.llPërditësimi i fundit 13 Shkurt 2025, 10:33
rama ne bashki
TIRANË- Kryeministri Edi Rama ka shkuar sërish ditën e sotme në bashkinë e Tiranës. Sipas raportimeve, Rama ka zhvilluar takim me nënkryetarët e bashkisë. Kjo është hera e tretë që kryeministri shkon në bashkinë e Tiranës që pas arrestimit të kryebashkiakut Erion Veliaj. Ky i fundit ja deleguar drejtimin e bashkisë nënkryetares Anuela Ristanit.
Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”.
Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga peronat nën hetim, specifikisht Veliaj edhe bashkëshortja e tij, Ajola Xoxa është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme.
