Partia Popullore Europiane (PPE) ka reaguar lidhur me protestat në Shqipëri, duke theksuar se e drejta për protestë paqësore duhet t&eu...
POLITIKE
Kucana: Me paratë e drogës, Rama blen influencë në Bruksel
PiranjatPërditësimi i fundit 25 Tetor 2025, 11:51
Zv. Sekretarja e Përgjithshme e Partisë Demokratike, Ilirjana Kucana, ka akuzuar kryeministrin Edi Rama se po përdor paratë e drogës për të blerë influencë në Bruksel.
Kucana thotë se megaprojektet e ndërtimit në Tiranë, si kulla dhe megaresortet në bregdet, janë financuar kryesisht nga grupet e drogës, duke kthyer Shqipërinë në një "narkoshtet".
Ajo shton se, për të marrë leje ndërtimi për këto projekte, Rama sipas saj, përdor studiot arkitekturore të huaja, që përfitojnë miliona euro për projektet e kullave.
Me paratë e drogës, Rama blen influencë në Bruksel përmes studiove narko-arkitekturore!
Kullat e Tiranës dhe megaresortet në bregdet janë dëshmia më e pastër e kthimit të Shqipërisë në një narkoshtet, pasi shumë nga këto kulla janë financuar me paratë e kokainës nga grupet shqiptare dhe ndërkombëtare.
Për të marrë lejen që firmos Edi Rama për këto kulla, është kusht i domosdoshëm leja nga studio arkitekturore të huaja, kryesisht belge, holandeze, italiane dhe spanjolle, të cilat marrin miliona euro për një projekt kulle apo pallati.
Pikërisht me këto miliona euro që marrin arkitektët, në shumë raste blihet influencë në Bruksel. Rastësisht, kur DASH thotë se Shqipëria po pastron paratë e kokainës, dalin eurodeputetë dhe zyrtarë të BE-së që na flasin për avancimin e integrimit.
Sa kohë ekonomia shqiptare është në mëshirë të parave të drogës që po helmojnë fëmijët tanë, integrimi i vetëm do të jetë në narkorepublikat simotra të Amerikës Latine, por jo në BE.
DASH e ka urdhëruar qartë SPAK-un të godasë pastrimin e parave të drogës në ndërtim, teksa në krye të piramidës së pastrimit të parave është Edvin Rama.
