Një aksident i rëndë është regjistruar gjatë ditës së sotme në aksin rrugor Elbasan–Mjekës.
Sipas inf...
POLITIKE
Kushtet e PE për Shqipërinë, grupi i PD kërkesë Kuvendit për mocion me debat
PiranjatPërditësimi i fundit 22 Qershor 2026, 13:16
Grupi Parlamentar i Partisë Demokratike ka kërkuar zhvillimin e një mocioni me debat mbi raportin e Komisionit Evropian për Shqipërinë për vitin 2025.
Kërkesa mban firmën e kryetarit Gazment Bardhi, ndërsa në të listohen 20 shqetësime të evidentuara nga Parlamenti Evropian, të cilat kërkojnë një trajtim të menjëhershëm nga Kuvendi.
Ndër pikat e evidentuara nga PE, përmendet edhe paralajmërimi i Komisionit Evropian ndaj Shqipërisë për veprime që mund të ndikojnë negativisht në procesin e integrimit europian, në lidhje me projektin e resortit në Zvërnec, i cili nxiti edhe protestat kundër qeverisë.
“PE thekson se Komisioni Evropian e ka paralajmëruar Shqipërinë kundër veprimeve që mund të ndikojnë negativisht në rrugën e saj drejt anëtarësimit në Bashkimin Evropian, në kushtet e protestave të vazhdueshme kombëtare lidhur me një projekt zhvillimi luksoz në shkallë të gjerë, i cili kërcënon një zonë të mbrojtur natyrore ku jetojnë flamingot, fokat dhe ku ndodhen vende folezimi të breshkave.
Mbështet kritikat e Komisionit në këtë drejtim dhe kujton se përafrimi me legjislacionin mjedisor të Bashkimit Evropian, përfshirë Direktivën për Shpendët dhe Direktivën për Habitatet, është një kusht paraprak për anëtarësimin në BE.”, thuhet në dokument.
Në rezolutë, Parlamenti Evropian shprehu shqetësimin në lidhje me zhvillimin brenda zonës së mbrojtur Vjosë-Nartë, duke theksuar se janë pasoja të ndryshimeve ligjore që lejojnë zhvillime turistike brenda territoreve të mbrojtura.
Për këtë arsye, Parlamenti Evropian i bëri thirrje autoriteteve të vendosin menjëherë një moratorium për çdo leje të re ndërtimi, punim apo projekt zhvillimor në zonat e mbrojtura, derisa të rishikohen ndryshimet ligjore të kundërshtuara nga institucionet evropiane.
