Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Legalizimet/ Berisha: Të gjithë dokumentacionet me të cilat u mban peng Edi Rama, do të shpallen dëshmi pronësie
n.fPërditësimi i fundit 14 Prill 2025, 21:28
DURRËS- Kreu i Partisë Demokratiek, Sali Berisha gjatë fjalës së tij nga Durrësi u shpreh se ky qytet në 12 vitet e qeverisjes së kryeministrit Edi Rama ka përjetuar padrejtësi të mëdha. Berisha theksoi se pas ardhjes në pushtet përparësi e buxhetit të shtetit, vitin e parë do të jetë ndarja përfundimtare me pasojat e tërmetit në Durrës, Krujë dhe në Kurbin.
Më tej Berisha foli edhe për legalizimet. Sipas tij të gjithë dokumentacionet të cilat Rama mban peng, do të shpallen dëshmi pronësie dhe legalizime. Kreu i PD-së u premtoi pronarëve se brenda 4 viteve, dosjet, detyrimet ndaj tyre dhe të përndjekurve politikë, do marrin zgjidhje përfundimtare.
"Miqtë e mi, Durrësi ka përjetuar padrejtësi të mëdha shumë gjatë këtyre 12 viteve. Durrësi përjetoi një fatkeqësi të madhe me tërmetin. Me rindërtimin, Edi Rama dhe Bashkia e Durrësit bëri biznes për veten e vet dhe sot durrsakët janë jashtë. I garantoj ju se përparësi absolute e buxhetit të shtetit vitin e parë do të jetë ndarja përfundimtare me pasojat e tërmetit në Durrës, në Krujë, në Kurbin dhe kudo që janë. Nuk dua as të ndjell, as të tremb njerëz, por ne kemi një memorie. Ne nuk mund të harrojmë kurrë viktimat e Thumanës, ata burra dhe gra, as të Durrësit të ri, por ata të Thumanës e kishin një specifikë.
Ata në Thumanë, një tërmet ua kishte bërë me të gjitha dokumentet zyrtare, shtëpitë të pabanueshme. Po u lëviz një gozhdë? U desh të vinte tërmeti tjetër dhe ata dhjetëra banorë të mos jetojnë më. Kjo është situata se si i lë Edi Rama që vjen dhe flet. Po nuk ka përparësi më të madhe se sa ndarja përfundimtare me pasojat e atij tërmeti. Miqtë e mi, Durrësi është tërmeti që në vitet e demokracisë u dyfishua. Ka Durrësin e ri, një risi e mrekullueshme. 13 vite, Gjushi dhe Gjushja me pantallona i kanë diskriminuar banorët e Durrësit të ri sikur të mos ishin shqiptarë. Fjala ime e nderit është se ata do kenë infrastrukturën më moderne që meritojnë.
Ka një moral në çdo gjë, ju o njerëz të mirë i ndërtuat vetë shtëpitë, por shteti e ka borxhin të pafundëm që t’i bëjë lagje siç e meriton qyteti, dhe do bëhen. Legalizimet. Të gjithë dokumentacionet e mbushura, me të cilat Edi Rama u mban peng, do të shpallen dëshmi pronësie dhe legalizime. Pronarëve u jap fjalën e nderit se brenda 4 viteve, dosjet e tyre, detyrimet ndaj tyre dhe të përndjekurve politikë, do marrin zgjidhje përfundimtare,' tha ai.
