Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
Luftë brenda PD? Çupi: Kandidatët tanë janë të pastër! Kërkoj votën si qytetare, jo si e përlyer
PiranjatPërditësimi i fundit 10 Prill 2025, 21:18
TIRANË- Kandidatja në listë të hapur e Partisë Demokratike, Dhurata Çupi, duke folur për zgjedhjet e 11 majit është pyetur edhe nëse ekziston një luftë e brendshme brenda kësaj force politike për votat. Çupi u shpreh për Klan News se nuk është karakterizuar asnjëherë nga ambicia e tepërt, apo e pamoralshmja, teksa shton se brenda PD-së nuk sheh asnjë inat apo garë të fortë.
Çupi tha gjithashtu se Partia Socialiste po përballet me një betejë të fortë brenda llojit, e kjo sepse po kandidojnë njerëz që kanë pushtet, e të përfshirë në afera. Ajo tha se kur shkon kërkon votën tek qytetarët, ndodhet përballë tyre e pa përlyer nga korrupsioni apo çdo lloj afere tjetër.
“Mua s’më ka karakterizuar asnjëherë kjo tendenca, ambicia e jasht një lloj morali, e nuk e kam pasur një fokus të jetës. Por, unë nuk shikoj që në PD e në ekipin 37, të jetë ky inati apo gara e fortë. Jemi të fokusuar të vota e PD, por kodi përcakton vota e PD nuk të shkon vetëm ty, por vota i shkon edhe PD, e për pasojë ose alternohen ose vota shkon në emrin tënd.
Pra, e personalizon në një lloj mënyrë ky kod zgjedhor fushatën. Është e vërtetë ka një betejë të fortë te PS, unë perdor atë shprehje “kokat hanë njëri-tjetrin”, sepse atje ka ministra që kanë pushtet patjetër, kanë deputetë me shumë vite eksperiencë. Le të jemi të vertetë, e të mos fshihemi, kemi një qeverisje 12 vjeçare, shumica të akuzuar për korrupsion dhe për afera me buxhetin e shtetit apo me taksat e shqiptarëve. E një palë që janë sigurisht e në raporte ndërkombëtare, janë të denoncuara si një parti që deformon rezultatin zgjedhor, qoftë përmes blerjeve apo formave të jashtëligjshme, nga ana tjetër ti ke një opozitë, në 12 vite opozitë.
Ti ke 37 kandidatë, që janë njëri figurë më e pastër se tjetri, në kuptimin që nuk kanë konsumuar pushtet, edhe thjesht atij do i kërkojnë votën. Pra, nëse unë shkoj i kërkoj votën qytetarit, unë nuk jam as një figurë e përlyer, e përfolur, e korruptuar. Pra, jam një qytetare e këtij vendi që i kam shërbyer çdo pozicion me ndershmëri e integritet, e i kërkoj votën, për të zbatuar programin e partisë time, në të mirë, siç e mendojmë ne, në të mirë të qytetarit. Nga ana tjetër ti ke 37 kandidatë që janë të përfolur, të përgojuar le të themi, apo, se s’po themi fjalën tjetër, të dënuar, derisa të ketë një vendim të formës së prerë”, u shpreh Çupi.
