Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
POLITIKE
Rama takim me të rinjt në Durrës: Shqipëria e 2030 të jetë anëtare me të drejta të barabarta në BE
M.B.Përditësimi i fundit 10 Prill 2025, 19:10
TIRANA- Kryeministri Edi Rama ka zhvilluar sot një takimin me të rinj të reja dhe qytetarët në Durrës. Rama tha se fokusi kryesor është që Shqipëria të bëhet pjesë e familje europiane. Sipas tij, Shqipëria e 2030 të jetë anëtare me të drejta të barabarta në BE. Ai ka shtuar se arsyeja përse duhet të jenë aktiv më shumë se çdo herë tjetër, është se zgjedhjet e 11 majit janë të lidhura konkretisht me të rinjt.
“Me vajzat dhe djemtë të pjesë më vitale të qarkut dhe tek të cilët kemi shumë arsye të besojmë se do të jenë aktivë më shumë se çdo herë në këto zgjedhje. Arsyeja përse duhet të jeni aktiv më shumë se çdo herë tjetër, është se zgjedhjet e 11 majit janë të lidhura konkretisht me ju, me moshën tuaj, me bashkëmoshatarët tuaj.
Sepse këto zgjedhje janë me shumë gjasë dhe varet nga ne një pjesë e madhe, zgjedhje të cilat mund të përcaktojnë në 4 vitet e ardhshme se ku do të jetë Shqipëria. Katër vitet e ardhshme nëse ne në këto zgjedhje do të bëjmë gjënë e duhur, atëherë Shqipëria në 4 vitet e ardhshme do të jetë gati të ulet në tryezën e BE. Shqipëria e 2030 të jetë anëtare me të drejta të barabarta të BE”, tha Rama.
