Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
POLITIKE
Martesa e dy vajzave në Tiranë, Sula: Bashkia e Veliajt, llogore paligjshmërie!
b.zPërditësimi i fundit 20 Maj 2024, 19:38
Dashnor Sula
TIRANË - Deputeti i PD-së Dashnor Sula ka komentuar ceremoninë martesore të zhvilluar një ditë më parë në tarracën e Bashkisë së Tiranës, mes dy vajzave. Në një postim në rrjete sociale, Sula shprehet se Bashkia e Tiranës ka nisur të publikojë paligjshmëri. Sula shprehet se edhe pse ligji shqiptar nuk e lejon martesën me të njëjtën gjini, Veliaj sërish u ka vënë në dispozicion godinën e Bashkisë.
Ndër të tjera Sula shprehet se Veliaj ka dhënë leje që godina e Bashkisë të përdoret për martesën, vetëm për të hequr vëmendjen e SPAK nga skandalet që kanë përfshirë Bashkinë së fundmi.
Postimi i plotë i Sulës:
Bashkia e Tiranës, llogorja e paligjshmërisë.
Dosjet e SPAK kanë vërtetuar se paligjshmëria, është anormaliteti më normal në Bashkinë e Tiranës. Tashmë që SPAK ka çuar disa njerëz prapa hekurave nga Bashkia, ky institucion ka nisur të publikojë paligjshmërinë.
Ligjet shqiptare nuk lejojnë martesat në të njëjtën gjini. Por ky fakt nuk pengon Bashkinë e Tiranës që ti vendosë në dispozicion godinën e institucionit dy individëve të të njëjtës gjini që të lidhin kurorë. Nuk po marr në analizë vendimin e dy individëve. Dua të denoj arrogancën dhe kuroajon e drejtuesit të bashkisë që fillimisht i dha akses për një paligjshmëri dhe zhvillimit të një rituali fetar nga ku është distacuar edhe Kisha Katolike.
Zëdhënës i Kishës Katolike në Shqipëri Dom Mark Pashkja ka reaguar duke u distancuar dhe thotë se personi që shfaqet si klerik nuk është pjesë e Kishës Katolike. Pra, Kryetari i Bashkisë së Tiranës përveçse ka lejuar një ceremoni që nuk lejohet sipas ligjeve shqiptare dhe pavarësish nga qëndrimet tona nëse jemi pro apo kundër martesave të të njëjtës gjini, ligjet e vendit nuk e lejojnë një gjë të tillë. Dhe skandali i dytë është nga Bashkia e Tiranës një person i veshur si klerik i Kishës Katolike, kryen një akt që besimi i tyre nuk e pranonë. Kaq të madh duhet ta ketë hallin kryebahskiaku saqë arrin deri në të tilla marrëziarash për të hequr vëmendjen nga çështja e SPAK.
