Raportuesi i Partisë Popullore Evropiane (PPE) për Shqipërinë, Andrey Kovatchev, ka reaguar për protestat e studentëve në Tir...
POLITIKE
Meta takim me Sekretarin e Përgjithshëm të DPS në Malin e Zi: Do të bashkëpunojmë në interes të popujve tanë
r.llPërditësimi i fundit 20 Maj 2024, 09:56
aleksandar bogdanovic, ilir meta
MAL I ZI- Presidenti i Partisë së Lirisë, Ilir Meta ka zhvilluar një vizitë në Malin e Zi, ku ka kryer disa takime në selinë e Partisë Demokratike të Socialisteve (DPS).
Meta ka zhvilluar takim edhe me Sekretarin e Përgjithshëm të DPS, Aleksandar Bogdanovic. Në një postim në rrjetet sociale, Meta shkruan se mes dy partive do të ketë një bashkëpunim, në interes të dy popujve. Presidenti i PL-së, tha se sot "DPS është në opozitë por një gardiane e vendosur në mbrojtje të vlerave dhe rrugës së qartë europiane e euro-atlantike të Malit të Zi."
POSTIMI I PLOTË:
Shumë i lumtur të nis ditën në Mal të Zi, me takime në selinë e Partisë Demokratike të Socialistëve (DPS), që ka një kontribut historik për arritjen e Pavarësisë, anëtarësimin në NATO dhe përshpejtimin e integrimit europian të këtij vendi fqinj, mik të vërtetë dhe partner shumë i rëndësishëm i Shqipërisë.
Sot DPS është në opozitë por një gardiane e vendosur në mbrojtje të vlerave dhe rrugës së qartë europiane e euro-atlantike të Malit të Zi dhe në të ardhmen Partia e Lirisë do të ketë një bashkëpunim edhe më të madh në interes të të dy vendeve dhe popujve tanë.
E falenderova Sekretarin e Përgjithshëm të DPS, z.Aleksandar Bogdanoviç për pjesëmarrjen në Konventën historike të Partisë së Lirisë dhe jam besimplotë se nëpërmjet forcimit të mëtejshëm të bashkëpunimit mes forcave tona politike do të japim një kontribut të vyer për të garantuar prosperitetin e pandalshëm të Shqipërisë, Malit të Zi dhe të rajonit tonë. I lumtur të dëgjoja prej tij vlerësimet më të larta për Konventën tonë dhe sidomos për 5 prioritetet e Partisë së Lirisë.
