Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
“Mbeti vetëm me 4 persona”, Analisti: Veliaj kishte krijuar një pol të pavarur pushteti nga Rama dhe kishte krijuar iluzionin politik
PiranjatPërditësimi i fundit 23 Shtator 2025, 23:38
Teksa foli për shkarkimin e Erion Veliajt, në emisionin Opinion Enton Abilekaj tha se ai kishte krijuar për pothuajse 8 vite një pol pushteti të pavarur nga kryeministri Edi Rama.
Sipas analistit, Veliaj gaboi me zgjedhjen e njerëzve që bashkëpunoi.
Pjesë nga biseda në studio:
Enton Abilekaj: Është një lloj zhgënjimi, sepse Veliaj ishte prej 8 vitesh, që nga 2015-ta, pothuaj 10 vjet në një pushtet pothuaj të pavarur nga Rama, dhe kishte krijuar një pol pushteti.
Nuk ishte vartës i Ramës në administratë. Të kesh një pushtet të tillë prej 10 vjetësh dhe të mbetesh me 4 këshilltarë në fund, tregon se nuk ke ditur të zgjedhësh njerëzit, ose tregon se njerëzit janë aq të trembur nga Rama…
Blendi Fevziu: Shoqëria shqiptare është… Basha kishte partinë, mbështetjen e amerikanëve, të gjitha dhe…
Enton Abilekaj: Basha nuk ka qenë asnjëherë në pushtet. Veliaj kishte një pushtet…
Baton Haxhiu: Në dallim prej Ramës, që ka pushtetin ndaj partisë dhe natyrisht edhe pushtetin mediatik e ka dhe e bën betejën, Erion Veliaj ka pasur vetëm pushtetin e disa oligarkëve.
Blendi Fevziu: Pushtet financiar, edhe një lloj karizme, sepse ishte i bërë vetë.
Baton Haxhiu: E ka ndërtuar fabulën e tij si lider, por e ka harruar se s’ka diskurs për lider dhe në publik humbet çdo betejë dhe shpresa e tij e vetme për një kohë të gjatë kanë qenë mandatet e pakufizuara të Edi Ramës dhe ka menduar se nuk do konkurojë për mandatin e tij. Iluzioni i tij se ai do të shkojë me vetëdëshirë, është i një njeriu që s’e ka kuptuar politikën.
Enton Abilekaj: Iluzionet i ndërtoi mbi Ramën. Por iluzionet që ndërtoi mbi grupin e vet që nga Mjafti dhe e mbajti deri në fund, ai grup u shpërbë menjëherë…
Marsela Karapanço: Tani Veliaj u asgjësua në njëfarë forme në Parlament.
Baton Haxhiu: Në vitin 2019 ai ka gabuar atëherë. Edhe Rama ka gabuar, edhe Veliaj ka gabuar në projektimin e vet si lider dhe kryeministër. Ka qenë një gabim politik. Nuk ka pasur asnjë kundërkandidat, i ka pasur të gjitha mundësitë ta shpëtonte Erion Veliajn nga iluzioni, por s’e bëri.
