Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
Mbyllja e TikTok/ Rama: Gjëja më e shëndetshme! Mos dëgjoni bufin por kontriboni të thajmë kënetën!
b.zPërditësimi i fundit 20 Mars 2025, 09:49
Edi Rama
TIRANË - Kryeministri Edi Rama u shpreh se mbyllja e Tik Tok është sipas tij gjëja më e shëndetshme që duhet të bëhej.
Teksa po ju përgjigjej komentuesve në rrjete sociale, Rama tha se qeveria po punon me kompaninë e TikTok për mbylljen përfundimtare dhe po presin një plan për filtrat që do të vendosë për të siguruar fëmijët dhe për të minimizuar bullizmat.
Rama shtoi se 95% prindër e mësues janë shprehur pro mbylljes së TikTok duke vendosur interesin e fëmijëve para tifollëzkut partiak.
Rama:Nuk është çmenduri por gjëja më e shëndetshme që mund të bëhet dhe ajo që ne po bëjmë nuk është se e kemi mbyllur Tiktok njëherë e mirë por po e mbyllin ditë për ditë po ngushtohet. Me kompaninë po punojmë dhe po presim një plan për filtrat që do të vendosë për të siguruar fëmijët, për të minimizuar bullizmat, futur gjuhën shqipe, për të stimuluar me algoritëm programet e reja për shkencën dhe argëtimin. Mos dëgjo bufin se do të hysh në histori kështu e ashtu, ai e ka kryer me histori. Le të rrotullohet nga të dojë në histori, e ka vendosur veten në një piedestal me kallama. Mos shko pas bufit se të ha. Po kontribuo që të thajmë kënetën. Kur në bëmë këshillimin e gjerë me 65 mijë prindër dhe mësues, 95% prej tyre thanë të mbyllet. Patjetër që 95% e prindërve dhe mësuesve nuk janë socialistë. Një pjesë e mirë e tyre nuk votojnë për ne, një pjesë e tyre janë akoma nën efektin e kënetës, por kur erdhi puna te fëmijët nuk pyetën fare. Interesin e fëmijëve e vunë para tifollëzkut partiak. Ky është 11 maji, interesi i Shqipërisë është para tifozllëkut partiak.
