Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
POLITIKE
"Me kanabizimin e 2016-ës u fituan zgjedhjet e 2017-ës"/ Gazetari: Rama lejoi kultivimin e kanabisit në 7 qarqe të vendit, zona ku edhe pati fitore të thellë
b.zPërditësimi i fundit 30 Janar 2025, 21:45
Artan Hoxha
TIRANË - Gazetari Artan Hoxha, ka komentuar mbrëmjen e sotme ardhjen në pushtet të Partisë Socialiste, me zgjedhjet e vitit 2017. I ftuar në emisionin ‘Cim Peka Live’ në SYRI TV, Hoxha u shpreh se sipas tij qeveria Rama lejoi kultivimin e kanabisit në 7 qarqe të vendit, zona ku edhe pati fitore të thellë në vota ndaj kundërshtarëve politikë.
Sipas Hoxhës me kanabizimin e 2016-ës u fituan zgjedhjet e 2017-ës dhe sipas tij ky operacion ishte i drejtuar nga kryeministri i Shqipërisë. Hoxha deklaron se sipas tij Rama sapo erdhi në pushtet mori të gjitha bizneset që gjeneronin para, i vuri nën kontroll që sipas tij, i kishte kundërshtari politik. Dhe më pas shprehet Hoxha filluan me lojërat e fatit dhe me kanabisin.
Hoxha: Vijmë tek pjesa e kanabisit. Unë më herët të kam bërë një përshkrim sesi Edi Rama i ka fituar zgjedhjet pas vitit 2013 dhe si e përdori ai aleancën me krimin e organizuar për ta kthyer në hambar votash. Arben Ahmetaj besoj që nuk ka saktësuar datën kur është bërë mbledhja sepse nëse bëhet fjalë që aty ka reaguar edhe Erion Veliaj, kjo mbledhje ka qenë në vitin 2015. Sepse atëherë ai është bërë kryetar bashkie. Ka patur një takim në atë vit kur erdhi drejtori i ‘interforce’, (Donald Lu, histori suksesi). Aty u dha një shifër shumë interesante. U tha se avionët e Guardia di Finanza, kanë zbuluar 44 hektarë dhe kemi asgjësuar 99,2 %. Dhe i them zotot Tahiri, këto shifrat i keni konsultuar me ndonjë agronom?
Nuk u dilnin as metrat me rrënjët. Publikisht që e ka kundërshtuar ka qenë vetëm Ylli Manjani, ministër Drejtësie atë kohë.
Kjo që thotë Ahmetaj, na rikthen edhe njëherë në atë histori, pasojat e të cilës i vuajnë sot. Një nga veprimet e para që bëri qeveria Rama sapo erdhi në pushtët është që mori të gjitha bizneset që gjeneronin para, i vuri nën kontroll që sipas tij, i kishte kundërshtari politik. Dhe filluan me lojërat e fatit, me kanabisin, sepse Lazarati nuk ishte nën kontrollin e Rilindjes.
Me kanabizimin e 2016-ës u fituan zgjedhjet e 2017-ës dhe në atë kohë, vazhdimisht unë këmbëngulja që ky operacion është i drejtuar nga kryeministri i Shqipërisë.
Meqenëse jemi në fushatë elektorale, shikoni dhe merni zonat. 7 qarqet ku është mbjellë kanabisi dhe shikoni rezultatet e votimeve në ato qarqe. E kanë mbytur opozitën ato qarqe. Është e frikshme. Unë kam qenë në 5 ambasada ku u shpjegoja formulën sesi bëhej kanabisi, dhe asnjë reagim nuk ka patur. Ja kam shpjeguar se çfarë po ndodhte dhe asnjë reagim. Ky ishte një operacion nga kreu i organizatës (Rama) i mbështetur nga ata që jepnin leje. Merrni hartat e kanabisit të 2016-ës dhe krahasojini me rezultatet e 2017-ës. Ka pësuar një grup të tmerrshme elektoral ku është lejuar kultivimi i kanabisit.
