Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"Më vinte plasja se fitoja kudo, humbja këtu!" Rama në Shkodër: Më vinte t’ju ulesha në gjunjë për t’ju kërkuar besimin
M.B.Përditësimi i fundit 25 Prill 2025, 18:40
SHKODRA- Kryeministri Edi Rama, ka zhvilluar këtë pasdite një takim elektoral me gratë dhe vajzat në Shkodër. Rama u shpreh se para se të fitonte në Shkodër "i vitne t'u ulej shkodranëve në gjunjë për t’ju kërkuar besimin". Ai shtoi se po në Shkodër ka pasur edhe kunjin më të madh se fiton në të gjithë Shqipërinë.
“Faleminderit jush dhe falë shumicës qytetarëve të Shkodrës unë s’jam më në pozitën që të vij këtu si shumë herë, gati-gati t’ju ulem në gjunjë e me ju lut shkodranëve: “Aman ma besoni këtë punë që t’ju tregoj çfarë di të bëj, pastaj gjykoni vetë.” Sa herë ia besuat kënetës, zhyty më thellë dhe votoni më shumë për kënetën.
Deshi Zoti i Madh, falë jush, prapë e them, e di që ka qenë një konspiracion i juaji që iu bëtë burrave: “Hajde të shkojmë të provojmë këtë rrugë tjetër.” Ne sot kemi mundësi t’u themi të gjithëve që vetëm në 2 vjet ne kemi bërë për Shkodrën sa nuk është bërë në të gjitha vitet e mëparshme të marra së bashku. Madje akoma më keq për ata, se në 2 vjet ne kemi ndërtuar sa kemi mundur, po s’kemi bërë asnjë dëm, ndërsa në vitet e mëparshme ata kanë ndërtuar hiç gjë dhe kanë bërë vetëm dëme.
Këtu e kam pas edhe kunjin më të madh se fiton në të gjithë Shqipërinë, hajde këtu humb, dhe duke qenë se kam dhe gjyshen shkodrane katolike, më vinte plasja dhe thosha: çfarë kanë këta me mua?”,", tha Rama.
