Partia Popullore Evropiane, grupimi më i madh i partive politike të djathta dhe të qendrës në Evropë, reagoi sërish për ...
POLITIKE
Meta denoncon aktin normativ të qeverisë: “Rilindja” nuk ngopet me shkatërrimin e bujqësisë, arsimit dhe shëndetësisë
PiranjatPërditësimi i fundit 3 Nëntor 2025, 20:21
Kreu i Partisë së Lirisë, Ilir Meta, akuzoi qeverinë se po godet sektorët jetikë të vendit me Aktin Normativ që ul fondet për bujqësinë, arsimin dhe shëndetësinë. Ai thotë se fermerët po penalizohen nga bllokimi i fondeve IPARD, ndërsa qytetarët vuajnë mungesën e barnave në spitale dhe mësuesit marrin pagat më të ulëta në rajon.
Meta e cilësoi këtë vendim si shprehje të “fytyrës kriminale” të qeverisë që, sipas tij, zhvat taksat e qytetarëve më të varfër në kontinent. Sipas tij, Edi Rama ka vënë babëzinë përpara interesit publik.
Reagimi i plotë:
“Rilindja” nuk ngopet me shkatërrimin e Bujqësisë, Arsimit dhe Shëndetësisë.
Përpjekja e fundit, me Aktin Normativ për uljen e fondeve për tre sektorët jetikë, bie mbi shpatullat e :
???? Fermerëve, që përbëjnë 40% të fuqisë punëtore dhe që prej dy vitesh janë penalizuar nga bllokimi i fondeve IPARD (112 milion euro/vit), që përfundonin te inceneratorët dhe familjarët e Qeverisë;
???? Shëndetit publik, ku qytetarë humbin jetën në Onkologjik për mungesë barnash;
???? Arsimtarëve, që vazhdojnë të marrin pagat më të ulëta në rajon.
Kjo tregon fytyrën e vërtetë kriminale të një Qeverie që gëzohet kur zhvat taksat e popullit më të varfër në kontinent.
Heqja e fondeve nga Bujqësia, Shëndetësia dhe Arsimi për t’i kaluar në projekte aventureske me kosto të tejfryra, “supervizuar” nga kompanitë e vet qeveritarëve, është një tjetër provë se për Edi Ramën interesi publik nuk ka qenë kurrë prioritet. Prioriteti i vetëm është babëzia për të vjedhur.
