Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
Ministrja Pirdeni në takimin e Këshillit të Çështjeve të Përgjithshme të BE-së: Shteti i së drejtës, kryefjala e detyrimeve tona drejt familjes evropiane
M.B.Përditësimi i fundit 24 Shtator 2024, 18:15
BRUKSEL- Ministrja e Shtetit për Administratën Publike dhe Antikorrupsionin, Znj. Adea Pirdeni, mori pjesë në mbledhjen e Këshillit të Çështjeve të Përgjithshme të BE-së, zhvilluar në Bruksel. Fokusi kryesor i takimit ishte situata e shtetit të së drejtës në vendet e Bashkimit Evropian dhe në vendet kandidate për anëtarësim në BE. Në fjalën e mbajtur, Pirdeni riafirmoi agazhimin e Shqipërisë për të çuar përpara punën për forcimin e shtetit të së drejtës.
"Në këtë drejtim konsolidimi i një gjyqësori të reformuar, të mbështetur mbi parimet e integritetit dhe profesionalizmit, si dhe përforcimi i masave ligjore dhe hetimeve administrative në luftën kundër korrupsionit, janë prioritete absolute të qeverisë shqiptare", theksoi Pirdeni.
Mes përpjekjeve për të forcuar më tej sundimin e ligjit dhe mirëqeverisjen, Pirdeni përmendi krijimin e Komisionit të Posaçëm Antikorrupsion, i cili ka mision të avancojë reformat në nivel të thellë dhe do të sigurojë dialogun e nevojshëm me të gjitha palët e interesuara në kuadër të agjendës integruese në BE.
Diskutimet e Mbledhjes së sotme të Këshillit u bazuan mbi Raportin e Komisionit Evropian “Shteti i së Drejtës 2024”, për 27 vende anëtare të Bashkimit Evropian ku për herë të parë në raport u përfshi Shqipëria së bashku me Malin e Zi, Maqedoninë e Veriut dhe Serbinë.
