Autoritetet ukrainase kundër korrupsionit, NABU dhe SAPO, kanë nisur një aksion ndaj zyrtarëve të Prokurorisë së Përgj...
POLITIKE
“Mos pengoni protestuesit”, Berisha: Lironi personat e arrestuar
PiranjatPërditësimi i fundit 23 Dhjetor 2025, 13:22
Kryetari i Partisë Demokratike, Sali Berisha paralajmëroi drejtuesit e policisë, të mos pengojnë protestuesit e opozitës të dalin në sheshe duke përdorur shantazhin kundër tyre.
Berisha kërkoi lirimin e protestuesve që u arrestuan sepse nuk bën asnjë krim por ngritën zërin kundër “hajdutëve”.
“Paralajmëroi policinë të mos prekë me dorë protestuesit sepse ato po luftojnë hajdutët dhe kriminelët. Të lirohen menjëherë protestuesit e arrestuar.
Jam këtu për të denoncuar me forcën më të madhe provokacionet dhe terrorin policor ndaj disa të rinjve, të cilat nuk kanë kryer absolutisht as edhe aktin më të vogël të dhunës. Janë ndaluar 10, nga të cilët 4 janë arrestuar. Erlis Sina, Artan Hysenaj, Albi Kryezoi, Xhejson Prendi. Dy prej tyre janë kosovarë, turistë të ardhur dhe janë arrestuar nga policia sapo kanë marrë vesh se janë kosovarë për të mundur me akuzuar edhe qytetarët e Kosovës për pjesëmarrje në protesta. E vërteta është që këta të dy kanë ardhur si turistë. Kanë qenë këtu pas protestës. Kanë bërë foto. Njëri më tha, që jam djali i një luftëtari të UÇK, dhe unë e përqafova, bëra një foto me të. Tani këtë e kanë arrestuar. Kërkoj lirimin e menjëhershëm të tyre dhe paralajmëroj policinë të mos prekë me dorë protestuesit se ata po luftojnë kundër hajdutëve të kombit, kriminelëve në detyrë. Të mendohen mirë, të qëndrojmë më mirë me ligjin se me kriminelin, të lirojnë menjëherë personat e arrestuar", tha Berisha.
