Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
POLITIKE
Ndryshimet ligjore që mbrojnë kabinetin nga pezullimet, BE për propozmin e Ramës: Po ndjekim çështjen!
PiranjatPërditësimi i fundit 17 Shkurt 2026, 18:42
Bashkimi Europian ka reaguar lidhur me propozimet për ndryshime në Kodin e Procedurës Penale, të paraqitura nga Kryeministri Edi Rama, të cilat synojnë të mbrojnë ministrat dhe disa zyrtarë të lartë nga pezullimi gjatë hetimeve nga SPAK.
Në një përgjigje zyrtare dërguar ekskluzivisht për Syri TV, BE njofton se po ndjek nga afër amendamentin e Kodit të Procedurës Penale të paraqitur më 16 shkurt. “BE monitoron dhe vlerëson çdo nismë ligjore që lidhet me sistemin gjyqësor në të gjitha vendet kandidate, përfshirë Shqipërinë. Këto nisma pritet të jenë në përputhje me acquis-në e BE-së dhe standardet europiane,” thuhet në përgjigje.
Zëdhënësi i Komisionit Europian rikujton se “shteti i së drejtës dhe pavarësia, përgjegjshmëria dhe efikasiteti i sistemit gjyqësor në Shqipëri janë elemente themelore të procesit të zgjerimit të BE-së.” Ai gjithashtu thekson se retorika që shfaq mosbesim publik ndaj drejtësisë dhe ndaj pavarësisë, paanshmërisë dhe integritetit të sistemeve gjyqësore dhe të prokurorisë është kundërproduktive.
BE kujton se është përgjegjësi e Parlamentit të Shqipërisë të shqyrtojë pa vonesë kërkesat për heqjen e imunitetit të anëtarëve të tij, duke vënë në fokus rëndësinë e luftës kundër korrupsionit për përparimin e vendit drejt anëtarësimit në Bashkimin Europian.
