Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
‘Takimi i Arubës nisi për një kullë’/ Gazetarja Kepi tregon bisedën me gazetarin italian që shkroi për mafien shqiptare
PiranjatPërditësimi i fundit 29 Shtator 2025, 22:52
Gazetarja Alba Kepi ka zbuluar detaje nga intervista që bëri me gazetarin Nello Torçhia, autorin e librit “Të Pamposhtuarit” ku flitet edhe për një takim të bosëve të mafias shqiptare dhe zyrtarëve të qeverisë Rama në vitin 2019.
Sipas Kepit, libri ka dokumente të antimafias italiane për Artur Shehun, një shtetas nga Vlora që kishte investuar në Itali dhe më pas ishte larguar në SHBA ku edhe është rezident prej vitesh.
“Edhe në intervistë ndalem te ky takim, janë dokumenta të sekretuara, është e rëndësishme të cilësohet. Janë dokumente të antimafias, që gazetari dhe shkrimtari i ka futur në librin e tij. Është hetim i nisur nga drejtoria e antimafias së Toscana, që në vitin 2019 kanë vënë nën hetim pasurinë që Artur Shehu ka në Firenze. Gjatë hetimit, dosja përmban edhe këtë të dhënë sa i takon takimit në Aruba. Në këto dokumenta që nuk i shkruan Nello Torçhia, por janë në faqet e sekretuara të antimafias, thuhet se Artur Shehu, një bos mafioz, është takuar në praninë e disa elementëve të spikatur të krimit të organizuar, në prani të disa zyrtarëve.
Gazetari quan librin “Të pamposhturit”, sepse bosët si Artur Shehu, kanë mundësi t’i shpëtojnë kapjes. Shehu ka patur edhe biznese në Itali dhe më pas është larguar drejt SHBA dhe ka marrë nënshtetësinë. Pse nuk është hetuar? Për skadencë të afatit kohor, ky fashikull i antimafias është mbyllur. Por gazetari thotë se disa pika të kësaj dosje kanë nisur të hetohen.
Nuk ka video dhe nuk ka fotografi të takimit, por ka përgjime, të lidhura me telefonike apo ambientale, nuk di të them. Antimafia ka përgjuar me prokuroritë e tjera europiane. Gazetari italian më tha se ka nisur të hetojë si gazetar investigative për takimin e Arubës, pas një udhëtimi në Vlorë, ku ka dëgjuar edhe nga kolegë gazetarë shqiptarë. Ka shkuar dhe ka parë pasuri atje dhe aty i kanë lindur dyshimet për të hyrë në kontakt me prokurorin e çështjes. Mendoj se më shumë se ora duhet të na shqetësojë fakti që Artur Shehu vijon të ketë bizneset e tij.
Takim i Arubës ka nisur pikërisht për një kullë, do të diskutohej një ndërtesë, një kompleks në jug të Shqipërisë, aty ishte sensi si do të investohej. Prandaj them, Artur Shehu ka të paktën katër biznese të hapura, ku është ortak edhe në disa prej tyre. Ka biznese edhe në Amerikë.
Jam dakord, me titullin e Nello Torçhia që janë “Të pamposhtur”-tha Kepi në “Të Paekspozurit”.
