Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
POLITIKE
Nga ftesa te provokimi/ Nigel Farage njofton takimin me Ramën: Do i shkoj për drekë me një avion të mbushur me të dënuar
PiranjatPërditësimi i fundit 6 Shtator 2025, 15:20
Nigel Farage, kreu i partisë Reform UK, nga Anglia ka bërë të ditur se pas disa javësh do të zhvillojë një drekë me kryeministrin shqiptar, Edi Rama. Takimi, që sipas tij do të mbahet në Shqipëri, lidhet me një ftesë që Rama i kishte bërë disa muaj më parë.
Megjithatë, gjatë fjalimit përpara anëtarëve të partisë së tij, Farage nuk i kurseu provokimet. Ai tha se në udhëtimin drejt Shqipërisë mund të marrë me vete një avion plot me kriminelë shqiptarë për t’i riatdhesuar. “Ne do të deportojmë kriminelët e huaj. Pas pak javësh do të shkoj për drekë me kryeministrin e Shqipërisë. Ndoshta do të rezervoj një avion të madh dhe të marr një ngarkesë me vete, ende nuk jam i sigurt. Ne do të ndalojmë ata që përbëjnë rrezik për sigurinë tonë kombëtare dhe për gratë e vajzat në rrugët tona. Do t’i ndalim anijet dhe do t’i kthejmë mbrapsht ata që hyjnë ilegalisht, ashtu siç bën çdo vend normal në botë,” deklaroi ai.
Replikat me Ramën: Kujtojmë se disa muaj më parë, Rama dhe Farage u përplasën në rrjete sociale. Shkak ishte deklarata e politikanit britanik se “një në 50 shqiptarë në Britani ndodhet në burg” dhe thirrja e tij për riatdhesim të menjëhershëm. Në atë kohë, Farage e përshkroi kryeministrin shqiptar si “një gjigant burrëror” që udhëheq vendin si lider socialist, por nga ana tjetër akuzoi politikën shqiptare për hipokrizi, duke iu referuar bisedimeve të Tiranës për të pranuar emigrantë nga vende të tjera.
Ndërkohë, Rama ka kritikuar ashpër diskursin britanik për emigracionin pas Brexit. Në një intervistë për The Guardian, ai tha se Britania po kërkonte vende ku të dërgonte azilkërkuesit e refuzuar, një qasje që sipas tij do të ishte e paimagjinueshme një dekadë më parë. Kryeministri shtoi se Brexit-i e ka zhvendosur debatin publik në një “vend shumë të errët”, duke theksuar: “Tetëdhjetë përqind e gjërave që thuhen ose pranohen sot në Britani do të kishin qenë të paimagjinueshme para Brexit-it – krejtësisht qesharake, të turpshme e të papranueshme.”
