Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Nga Këshiltar Bashkie, në analist dhe prefekt, Balliu: Nesturi dilte në studio më studio duke mbrojtur hajdutët
M.B.Përditësimi i fundit 10 Janar 2025, 12:14
TIRANA- Koordinator i Rajonit të Tiranës në PD, Klevis Balliu tha sot në protestë se Plator Nesturi, i emëruar si prefekt i Vlorës, që punonte në Bashkinë e Tiranës, merrte rrogë dhe ishte i pavarur e dilte në televizor në darkë. Balliu tha se tani këshilltari i pavarur i bashkisë që ishte analist i pavarur në studiot televizive, tani bëhet prefekt i pavarur i Vlorës. Ai shtoi se Nesturi dhe të tjerë, kanë gënjyer sistematikisht nëpër emisionet e televizioneve qytetarët.
Pjesë nga fjala e Balliut:
Shpesh here në ato studiot televizive shikojmë disa pseudoanalistë të pavarur. Ka qenë një Nesturi që punonte në bashki këtu, merrte rrogë dhe ishte i pavarur e dilte në televizor në darkë dhe thoshte që ai që i jepte rrogën ishte shumë i mirë. Tani këshilltari i pavarur i bashkisë që ishte analist i pavarur në studiot televizive, tani bëhet prefekt i pavarur i Vlorës.
Kjo është një shembull, se nuk është një Nestur por jane 5 mijë Nestura, se si janë gënjyer sistematikisht nëpër emisionet e televizioneve qytetarët nëpërmjet pseudoanalistëve të pavarur të cilët kanë vetëm një detyre dhe nje mision të sulmojnë nga mëngjesi deri në darkë ata që denoncojnë krimin dhe ata që denoncojnë vjedhjet e këtyre hajdutëve si Erion Veliaj, si Balluku, si Xhaçka si Olsi Rama, si Edi Rama, si të gjithë këta mafizë. I vetmi mision që kanë është të sulmojnë cilindo që denoncon këto aferat korruptive.
