Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
POLITIKE
Zyrtari amerikan vizitë në Kosovë/ Presidentja Osmani pas takimit: Së shpejti Dialogu Strategjik, ekipet do të takohen për të finalizuar marrëveshjen
ZH.LLPërditësimi i fundit 10 Janar 2025, 11:36
Richard Verma-Vjosa Osmani
KOSOVË- Presidentja e Kosovës, Vjosa Osmani, ka pritur sot në një takim zëvendës Sekretarin e Shtetit për Menaxhim dhe Resurse, Richard Verma. Pas takimit, Osmani ka njoftuar lajmin e shkëlqyeshëm përmes një postimi në "Facebook". Presidentja ka bërë të ditur se sot u konfirmua se Kosova dhe SHBA-të do ta finalizojnë së shpejti Dialogun Strategjik.
Osmani e cilëson një arritje të jashtëzakonshme që dëshmon se partneriteti i mirëfilltë, gjithmonë sjell rezultate. Teksa ka falenderuar qeverinë e Shteteve të Bashkuara të Amerikës, Osmani shtoi se ekipet do të takohen sërish për të finalizuar marrëveshjen. Marrëveshja për Dialogun Strategjik përfshin fusha të rëndësishme në interes të qytetarëve.
Postimi:
Lajm i shkëlqyeshëm për Republikën e Kosovës! Pas propozimit që i kam dërguar Shteteve të Bashkuara të Amerikës, si Presidente e Republikës qysh në vitin 2021, pastaj rikonfirmuar në qershor të vitit 2022 nëpërmjet notës verbale si dhe në takimin me Sekretarin Blinken në korrik 2022, si dhe pas një pune të jashtëzakonshme të ekipeve tona përgjatë viteve të kaluara, sot në takim me Zëvendës Sekretarin amerikan Richard Verma m'u konfirmua se Kosova dhe SHBA-të do ta finalizojnë së shpejti Dialogun Strategjik.
Kjo është një e arritur e jashtëzakonshme që dëshmon se partneriteti i mirëfilltë, i bazuar në vlera dhe interesa të përbashkëta, gjithmonë sjell rezultate. Falënderoj Qeverinë e Shteteve të Bashkuara të Amerikës për këtë përkrahje ndaj popullit të Kosovës dhe mezi pres ta vazhdojmë bashkëpunimin intensiv në interes të Kosovës. Ekipet tona do të takohen së shpejti për ta finalizuar marrëveshjen për Dialogun Strategjik e cila do të përfshijë fusha shumë të rëndësishme në interes të qytetarëve të Kosovës.
