Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
“Nuk i ka ndodhur askujt tjetër si ne! Imagjino të hymë në histori me Kujtim Gjuzin!" Rama: Në mars do të hapim grup-kapitujt e tjerë të negociatave
M.B.Përditësimi i fundit 6 Mars 2025, 10:08
TIRANA- Kryeministri Edi Rama ka vijuar dhe sot bashkëbisedimin live në rrjetet social në rubrikën "Sy m'Sy". Rama deklaroi se në mars do të hapet grup-kapitulli tjetër i negociatave Shqipëri-BE. Rama tha se kjo që i ka ndodhur vendit tonë në raport me procesin e integrimit nuk i ka ndodhur askujt. Ai ka ironizuar dhe opozitën teksa ka përmendur vazhdimisht emrin e Kujtim Gjuzit.
“Di të them një gjë, për herë të parë qysh se kemi hyrë në procesin e materializimit të ëndrrës së madhe me thirrjen e duam Shqipërinë si Europa, na ndodh që të kemi një përputhje të rrethanave të brendshme me rrethanat e Europës dhe vullnetin e tyre për të na marrë brenda.
Kur ne filluam të bëhemi më të pranueshëm ata humbën dëshirën për zgjerimin dhe në këtë moment janë përputhur gjërat. Ne hapën, ulëm në tryezë vjet dhe na është dhënë dhe kemi rënë dakord t’i mbyllim negociatat në vitin 2027. Nuk i ka ndodhur asnjë vendi tjetër, Kroacisë i janë dashur 7 vite.
Mali i Zi ka vite e vite në këtë proces. Është përputhur me nevojën e tyre për të dhënë një sinjal që po shkojmë drejt një riunifikimi. Në mars do hapim grup-kapitujt e tjerë. Ky proces është me 1 mijë vet në punë që merren me negociatat. Nuk ka asnjë minutë për të humbur, duhet të fokusohemi te ky proces. Duhet të mos ketë ndërprerje asnjë ditë. Imagjino të hymë në historira me Kujtim Gjuzi, a kuptoni a jo. Ne na duhet Shqipëria në BE”, tha Rama.
