Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
"Nuk kam ndërmend të kandidoj përsëri për president"/ Erdogan: Turqisë i duhet një Kushtetutë e re që pasqyron frymën e kohërave moderne
e. dPërditësimi i fundit 22 Maj 2025, 16:56
TURQI- Presidenti turk Rexhep Tajip Erdogan ka folur për marrëdhëniet që ka zhvilluar me SHBA-në dhe Donald Trump, rishikimin e Kushtetutës në Turqi, çështjen e Qipros dhe mundësinë e kandidimit përsëri si kandidat për president në zgjedhjet e ardhshme. Pas kthimit të tij nga Hungaria, ku u takua me Viktor Orbán, Erdogan, ka deklaruar se nuk ka ndërmend të kandidojë përsëri për president, por Turqisë i duhet një Kushtetutë e re e cila pasqyron frymën e kohërave moderne dhe vlerave demokratike.
“Nuk kam ndërmend të kandidoj përsëri. Qëllimi ynë i vetëm është të rrisim reputacionin e vendit tonë. Turqia po ndryshon, bota po ndryshon. A mendoni se në një botë kaq dinamike mund të ecim përpara me një Kushtetutë të krijuar në kohën e grushtit të shtetit, e cila ende mban erë mentalitetin e puçistëve? Turqia nuk mund të ecë më përpara me një Kushtetutë të tillë. Ne kemi nevojë për një Kushtetutë të propozuar nga civilët, jo nga puçistët”, deklaroi Erdogan.
I pyetur për të komentuar mbi zhvillimet në çështjen e Qipros, Erdogan tha se "ne pajtohemi me deklaratat që mirëpresin kontributin e 'TRNC-së' në punën tonë si pjesë integrale e Botës Turke. Shprehim solidaritetin e botës turke në sigurimin e të drejtave natyrore dhe të barabarta të turqve qipriotë dhe theksojmë nevojën për të gjetur një zgjidhje bazuar në realitetet aktuale. Pohojmë rëndësinë e parandalimit të çdo përpjekjeje që synon të dëmtojë unitetin midis shteteve turke dhe përsërisim angazhimin e shteteve anëtare ndaj integritetit, institucionalitetit dhe kapacitetit vendimmarrës të Organizatës së Shteteve Turke".
