Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
POLITIKE
"Nuk u dorëzuan qëllimisht në Ministrinë e Brendshme britanike", Berisha: Mijëra dokumente të dërguara nga ne, ja çfarë ndodhi
M.B.Përditësimi i fundit 17 Qershor 2024, 20:43
Sali Berisha
TIRANA- Kryetari i Partisë Demokratike, Sali Berisha, deklaroi sot se vendimi i sotëm i apelit në Britani ndaj çështjes së ndalimit të hyrjes së tij në atë shtet, tregon se vendimi është bazuar një dy artikuj. Berisha tha ata mësuan të vërtetën sepse në vendimin e Home Officë për rishikimin zyrtar të këtij institucioni, fshehën mijëra e mijëra faqe të dorëzuara nga ata me qëllim, sipas tij, fshehjen e mashtrimit të parë. Ai shtoi se SIAC-i pranonte vetëm dokumentet e dorëzuara para Sekretares së Shtetit.
Pjesë nga fjala e Berishës:
Të dashur miq, çfarë tregon vendimi i sotëm? Vendimi i sotëm tregon se përjashtimi im është bazuar në dy artikuj të medieve të Xhorxh Sorosit, BIRN dhe Balkan Insight dhe në një artikull të Bolinos së Edi Ramës dhe deklaratë të Lulzim Bravës. Siç ju thashë, ne mësuam të vërtetën nga procedura sepse në vendimin e Home Officë për rishikimin zyrtar të këtij institucioni, fshehën mijëra e mijëra faqe të dorëzuara nga ne me qëllim fshehjen e mashtrimit të parë.
Këtë fshehje e fakton, e pohon sot SIAC, që thotë se përfaqësuesit ligjore të qeverisë nuk i kanë dhënë Home Office provat tona, mijëra e mijëra faqe, dokumente, pasi pretendonin, mashtronin se ato janë dorëzuar me vonesë. Miqtë e mi, çdo provë, çdo fakt, çdo fgaqe është dorëzuar në kohë dhe me përpikmëri në përputhje me marrëveshjen e avoketërve të mi me zyrtarët e Home Office.
Por problemi është se provat, faktet e paraqitur nga avoketërit e mi në mijëra faqe, rrëzonin, shkrinin si rrezja e diellit brymën, mashtrimin e diplomatëve të korruptuar dhe korruptorëve të tyre, Edi Rama, Erion Veliaj dhe Lulzim Brava. Ndaj dhe mijëra faqe nuk u dorëzuan Sekretares së Shtetit sepse ajo do mësonte të vërtetën me këto faqe dhe sepse po t’i dorëzoheshin asaj, do detyrimisht do të pranoheshin nga SIAC-i.
SIAC-i pranonte vetëm dokumentet e dorëzuara para Sekretares së Shtetit. Shikoni çfarë akti të papërgjegjshëm dhe të ulët bën, për të mbrojtur korrupsionin transnacional, paraardhësi i Alistair King-Smith, Norman Duncan fshehu faktet, mijëra fakte,nuk iu dorëzuan sekretares në mënyrë që të mos shkonin për dorëzim në SIAC.
