Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
POLITIKE
“Çoje në SPAK!”, Abilekaj debaton me Bashën për bashkëpunimin me Ramën: Nuk them se ke marrë para dhe tendera, e bën falas
r.llPërditësimi i fundit 14 Prill 2025, 22:56
basha, abilekaj
TIRANË- Drejtuesi i Koalicionit Euroatlantik, Lulzim Basha, debatoi ashpër me analistin Enton Abilekaj, pasi tha se mediat kanë marrë para nga Berisha. Abilekaj më pas në mënyrë ironike tha se nuk mund ta akuzonte Bashën se ka marrë para dhe tendera nga Rama, sepse po punon falas për të, ndërsa Busha i sugjeroi që ta çonte në SPAK
Pjesë nga debati
Abilekaj: Sapo tha që ne kemi marrë para nga Saliu.
Basha: Kujt t’i djegë, le ta mbajë unë s’përmenda emra.
Abilekaj: Mua më përmende, thatë ju.
Basha: Jo, thashë media.
Abilekaj: Këtë gjënë ti thuaje sa të duash, vetes i bën dëm nuk na bën ne. E dyta...
Basha: Çfarë keni patur në dorë për ta bërë e keni bërë dhe vazhdoni ta bëni. Ja ku jam, as nuk më mposhtni dot. As nuk më fusni dot në thesin e Trekëndëshit të Bermundës.
Abilekaj: Pse bërtet, na lër të flasim. O zotëri, jemi këtu.
Basha: Unë e kam me njerëzit, e kam atje (tregon kamerën).
Tela: Edhe në 2021 kështu flisje me njerëzit.
Abilekaj: Zoti Basha është njësoj si të them unë që ke marrë para dhe tendera nga Edi Rama për të bërë këtë që po bën sot. Unë s’ta them dot.
Basha: Çoje në SPAK.
Abilekaj: Unë s’ta them. Unë mendoj se po e bën falas.
Basha: Çoje në SPAK brenda ditës.
Abilekaj: Mendoj se po e bën falas.
Basha: Jo, mor jo, ju jeni shërbëtorë të Edi Ramës, jeni shërbëtorë të Trekëndëshit të Bermudës. Lopatë pas lopate jeni përpjekur të varrosni Partinë Demokratike, për këtë sistem të kalbur dhe të degjeneruar, të investuar nga Edi Rama. Jepini fund me 11 maj, votoni numrin 4 për t’i dhënë fund korrupsionit deri ën rrënjë. Të tjerat lirojnë të korruptuarit, siç liruan para një viti, i liruan e zeza mbi të bardhë.
