Dy të rinj humbën jetën tragjikisht dje pasi u mbytën në det te ‘Rana e Hedhun’ si pasojë e dallgëve ...
POLITIKE
“Fqinjët janë xhelozë për ne”, Rama nga Londra: BE është hipokrite
PiranjatPërditësimi i fundit 21 Tetor 2025, 16:10
Kryeministri Edi Rama, gjatë pjesëmarrjes së tij në panelin e organizuar nga Chatham House me temën “Ballkani Perëndimor dhe Bashkimi Europian”, ka vënë theksin te sfidat dhe kompleksiteti i procesit të integrimit europian, duke e cilësuar atë si një proces “binar”, që kombinon aspektet teknike dhe politike.
“Procesi i integrimit është binar, nga njëra anë është tërësisht teknik dhe nga ana tjetër është politik. Por një gjë është e sigurt, nuk mund të kesh mbështetje politike nëse nuk përmbush aspektet teknike në çdo fazë”, tha Rama.
Ai foli për mënyrën se si Bashkimi Europian ka menaxhuar marrëdhënien me Ballkanin Perëndimor, duke u shprehur se shpesh mesazhet që jep BE nuk përputhen me realitetin. Sipas Ramës, kjo qasje ka bërë që në një moment të caktuar, BE të perceptohet si hipokrite nga vendet e rajonit.
“Procesi i integrimit është binar nga njëra anë, është tërësisht teknik dhe nga ana tjetër është politik. Por një gjë është e sigurte, ti nuk mund të kesh asnjë mbështetje politike nëse nuk përmbush aspektet teknike në çdo fazë. Mund të plotësosh të gjitha aspektet teknike në të gjitha fazat dhe mund të përballesh mbështetje politike, kjo është e qartë. Kjo është ajo që në një moment të caktuar në kohë, e bëri BE të shfaqej si një hipokrite e madhe për ne, sepse ajo që thonin nuk përputhej me faktet. U them që të mos ma thonë më, sepse ndez një lloj mëri tek të tjerët. Ku bëhet fjalë për pakënaqësinë, ne jemi ballkanas, pa xhelozi, pa mëri për njëri-tjetrin, pa gjykimin e suksesit të tjetrit nuk do ishim këtu ku jemi. Lajmi i mirë është se nuk jemi vetëm në këtë botë. Kudo është kështu. Mund të plotësosh të gjitha aspektet teknike dhe përsëri të mos marrësh mbështetje politike. Kjo është ajo që në një moment e bëri BE të dukej si një hipokrite e madhe për ne, sepse ajo që thonin nuk përputhej me faktet”, tha ai.
Rama e përshkroi BE-në si një “paciente me 27 doktorë”, duke iu referuar vendeve anëtare dhe nevojës për unanimitet në vendimmarrje. Ai shtoi se në tri raste të ndryshme, pakica e vendeve anëtare kishte bllokuar progresin e Shqipërisë në procesin e integrimit.
Gjatë fjalës së tij, kryeministri u ndal edhe te vetë Ballkani, duke folur për marrëdhëniet mes vendeve të rajonit. Ai tha se ndjenjat si xhelozia dhe mëritë ndaj suksesit të njëri-tjetrit kanë ndikuar negativisht në zhvillimin e mëtejshëm të rajonit.
“Pa xhelozi, pa mëri për njëri-tjetrin, pa gjykimin e suksesit të tjetrit, nuk do ishim këtu ku jemi sot. Lajmi i mirë është se nuk jemi të vetmit. Kudo në botë është kështu”, theksoi Rama.
