Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Pak para nisjes së seancës plenare/ Peleshi mesazh deputetëve socialist, njofton mbledhjen e grupit parlamentar
r.llPërditësimi i fundit 28 Maj 2025, 20:03
niko peleshi
TIRANË- Kreu i Grupit Parlamentar të Partisë Socialiste, Niko Peleshi ka njoftuar zhvillimin e një mbledhje me deputetët pak para nisjes së seancës parlamentare.
Në mesazhin drejtuar deputetëve, thuhet se mbledhja do të zhvillohet në sallën e seancave plenare. Gjithashtu thuhet se deputetët socialiste do të diskutojnë mbarëvajtjen e veprimtarisë parlamentare në komisione dhe seanca përgjatë javëve në vazhdim. Peleshi thekson se pjesëmarrja e deputetëve është e domosdoshme.
“Paraprakisht, në 11:30 do të zhvillojmë mbledhjen e Grupit Parlamentar, po aty, në sallën e seancave plenare. Diskutojmë mbarëvajtjen e veprimtarisë parlamentare në komisione dhe seanca përgjatë javëve në vazhdim. Pjesëmarrja është e domosdoshme”, thuhet në mesazhin e Peleshit.
Nesër seanca plenare pritet të nisë në orën 12:00, ndërsa më para do të mbahet Konferenca e Kryetarëve e thirrur nga Elisa Spiropali ku pritet të diskutohet për kalendarin e punimeve të kuvendit për periudhën 29 maj-8 korrik 2025. Parlamenti aktual i mbyll punimet në fund të javës së tretë të korrikut, ndërsa në shtator do të konstituohet parlamenti i ri.
