Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
POLITIKE
"Pavarësia e institucioneve, problem", Rama: Sa më shumë ua japim, aq më shumë bie në sy paaftësia për të kontrolluar sistemet shtetërore!
n.fPërditësimi i fundit 25 Janar 2025, 09:08
Rama
TIRANË- Kryeministri Edi Rama në episodin e radhës të podcastit “Flasim” ka trajtuar temën e pavarësisë së institucioneve në Shqipëri. Rama gjatë podcastit shprehet se sa më shumë i japim pavarësi iaq më shumë bie në sy paaftësia institucionale për të kontrolluar në kuptimin e performancës, jo politik, në sistemet shtetërore.
Ai shtoi se rasti klasik është se si gjyqtarët i rritën pagat vetes. Sipas tij gjyqtarët bënë një ankim në Gjykatën Kushtetuese sepse sipas tyre llogaria e pagave dilte që duhet të rritej në një masë x dhe Kushtetuesja tha se duhej të rritej paga edhe më shumë nga sa ishte kërkuar.
Rama shtoi se universiteteve i kanë dhënë autonomi financiare, por kontrolli i performancës, nuk e maksimizon efektin që duhet të kishte. Ai tha se kur vjen puna tek ministritë vuajnë pjesën që ministria i bën të gjitha, kur në fakt ato duhet të bëjnë politika.
“Kemi bërë në mënyrë të përsëritur përpjekje, por gjatë rrugës e kam parë në më shumë se një rast që një gjë e konsideruar e çliruar është shfaqur sërish e kapur në një tjetër anë dhe zinxhiri i burokracisë është shkurtuar në një anë dhe është zgjatur nga një anë tjetër.
Sa i përket pavarësisë së institucioneve është problem, se pse sa më shumë i japim pavarësi aq më shumë bie në sy paaftësia institucionale për të kontrolluar në kuptimin e performancës, jo politik, në sistemet shtetërore. Rasti klasik dhe më spektakolar i impotencës së pjesës tjetër për të thënë jo, është se si gjyqtarët i rritën pagat vetes.
Bënë një ankim në GJK sepse sipas tyre llogaria e pagave dilte që duhet të rritej në një masë x dhe Kushtetuesja bëri një ekstra llogari e nxori që duhej të rritej edhe më shumë nga sa ishte kërkuar. Universiteteve i kemi dhënë autonomi financiare, por kontrolli i performancës, nuk e maksimizon efektin që duhet të kishte. Pika tjetër, kur vjen puna tek ministritë, e kemi vuajtur dhe e vuajmë pjesën që ministria i bën të gjitha, kur në fakt ato duhet të bëjnë politika. Është një rendje pas të tashmes kur rutina luan një rol të madh në presionin që ushtron dhe punohet në një lloj emergjence”, u shpreh Rama.
