residenti i Shteteve të Bashkuara, Donald Trump, ka njoftuar se administrata e tij ka hequr dorë nga vendosja e tarifës 20% për anijet q&eum...
POLITIKE
Përplasja në Kuvend/ Erion Braçe akuzon për sulm të organizuar: Bëjnë plane për të sulmuar kolegët e mi
PiranjatPërditësimi i fundit 14 Korrik 2026, 19:43
TIRANË- Deputeti i Partisë Socialiste, Erion Braçe, ka reaguar pas përplasjes së ndodhur pranë ambienteve të Kuvendit, ai e ka cilësuar situatën si një sulm të organizuar ndaj tij dhe kolegëve të tij. Në një deklaratë të publikuar në rrjetet sociale, Braçe pretendon se një person dhe një gazetar kanë vepruar së bashku në një skenar për të provokuar dhe sulmuar deputetët.
Braçe tha se gjatë incidentit kishte kërkuar të krijonte distancë, ndërsa pranoi se i ishte përgjigjur me fjalë të papërshtatshme personit që e kishte ofenduar. Deputeti deklaroi se pas ngjarjes vijoi punën e tij në Kuvend dhe kërkoi që të bëhet dallimi mes rolit të gazetarit dhe veprimeve që ai i cilëson si sulme ndaj deputetëve.
Reagimi:
"#FJALAIME TANI ESHTE KOHA TE FLAS UNE: KY ESHTE FASHIZEM!
E kam nisur diten sot ne oren 7:30, kam qene ne zyre, ne Kuvend; kam dale prej aty e kam shkuar ne terren rreth ore 8:30, neper lagjet e 5 ses; jam kthyer serish ne Kuvend e kam pare grupin e sulmuesve prane dyerve te tij, mu sic jane cdo dite e darke ne bulevard; jam ngjitur lart ne zyre e kam pare nje video (e keni ne vijim) ku sulmuesi dhe gazetari, te dy bashke sulmuan dy deputete, Sara Mile e Ervin Hoxha; e keni ketu videon, duket sulmuesi qe shan, fyen ofendon dhe gazetari qe e filmon sipas planit “populli sulmon deputetet”.
Nga dritaret e zyres sime kam degjuar zhurme poshte ne dere te Kuvendit; pas pak, perballe deres se tij kam pare gazetarin dhe sulmuesin bashke, duke biseduar, per nje tjeter plan (e keni videon e tyre ketu); kam dale jashte per te takuar njerez qe po me prisnin; jam kthyer perseri ne Kuvend dhe kam pare ne te njejtin vend gazetarin dhe sulmuesin; i pashe te coheshin dhe te suleshin drejt meje, sic ndaj dy kolegeve te mi dy ore me pare; kam zgjatur doren per te krijuar distance me gazetarin nderkohe qe sulmuesi po vinte ngjitur me te duke share-degjohet ne videon e tij.
I kam thene gazetarit qe e kam respektuar ne cdo rast se kur del ne prite me sulmues nuk ke pune me mua; po e kam shtyre pasi me erdhi ne fytyre; sulmuesi vijonte te shante dhe i jam kthyer me fjale te papershtatshme por te merituara per cilindo qe merr persiper te sulmoje e lincoje nje tjeter njeri, ska pike rendesie mandati, njeri po them. Me nje ndryshim
ketu: nuk i kam thene une nje cilesor qe degjohet vec ai ta thote per veten e tij! Kaq eshte e gjitha. Une vijova punen, kam qendruar ne dere te Kuvendit edhe dy here te tjera per tju pergjigjur njerezve qe me kerkonin, i fundit nje qytetar nga Burreli qe kerkonte ndihme per ilace ne QSUT!
Edhe nje gje; Une e kam te pjese te brendeshme te kerkoj ndjese. Po kujt ti kerjoj ndjese, gazetarit apo sulmuesit? U be kohe qe jane nje, sulmues e te dhunshem, nje! Ndajeni, ose beni gazetarin, ose beni sulmuesin ne prita qe i ben gazetari! Vo: ketu keni video te sulmit ndaj kolegeve te mi; keni edhe videon e gazetarit dhe sulmuesit bashke, ne prite, ne Kuvend!"
