Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
POLITIKE
Përplasjet në Kuvend, Bardhi replikon me deputetin socialist në Kuvend: Patriotizmin tregoje duke mos vjedhur
PiranjatPërditësimi i fundit 2 Dhjetor 2025, 19:14
Kreu i grupit parlamentar të Partisë Demokratike, Gazmend Bardhi u përfshi në debate në seancën parlamentare me deputetin e Partisë Socialiste, Ardit Bido, ndërsa ky i fundit akuzoi demokratët se bojkotuan ceremoninë e ngritjes së Flamurit më 28 Nëntor.
Nga ana e tij, Bardhi i thotë se flamuri nderohet duke mos vjedhur dhe duke mos duartrokitur një të pandehur, referuar rastit të Belinda Ballukut.
Replikat:
Bido: Është paudhësi, është paturpësi, është e paskrupullt që në ditën e ngritjes së flamurit, një formacion politik në kundërshtim me sa kërkojnë ndjekësit e asaj partie, të bojkotojnë flamurin.
Unë e di që kur thoni të bojkotoni flamurin, e keni fjalën për Flamur tjetër. Të bojkotosh flamurin kombëtar është turp.
Bardhi:Besoj që duhet të dënoni gjuhën e përdorur, të gjithë biem dakord për të nderimin e flamurit kombëtar, nderimi real i festës së Pavarësisë dhe asnjë koleg nuk ka guxuar kurrë të përdorë një ditë që bashkon të gjithë shqiptarët, e të përcjellë përçarje.
Do ta ftoja kolegun të nderonte flamurin jo vetëm më 28 Nëntor por çdo ditë. Flamuri nderohet duke mos vjedhur, ti duartroket vjedhjen dhe një të pandehur në qeveri. Ti voton për çdo projekt që nuk i shkon me garë të rregullt bizneseve shqiptare por grekut e turkut. Këtu tregoje ti patriotizmit e mos eja të na tregosh përralla.
