Spanja po përballet me një nga zjarret më të mëdha dhe më të vështira të viteve të fundit. Mbi 600 zjarrfik&...
POLITIKE
Berisha: Protesta dhe vetëm protesta është rruga e vetme që ka opozita për t’i imponuar këtij narkoregjimi ligjin dhe Kushtetutën
PiranjatPërditësimi i fundit 22 Shtator 2025, 14:48
Kryetari i Partisë Demokratike, Sali Berisha ka akuzuar Edi Ramën dhe ministrin Niko Peleshi për “mbylljen e parlamentit”, duke e cilësuar si tentativë për të fshehur vjedhjet dhe lidhjet me krimin. Ai paralajmëroi nisjen e një mocioni mosbesimi ndaj Peleshit, që sipas tij do të përfundojë në Gjykatën Kushtetuese. Berisha theksoi se protesta mbetet arma e vetme e opozitës kundër “narkoregjimit”
"Siç e patë ju, parlamentin e mbylli Edi Rama me Niko Peleshin, të cilët donin me çdo kusht që shqiptarët të mos kuptonin, të mos njiheshin me vjedhjet, shpërdorimet monstruoze të Edi Ramës, familjes dhe ministrave të tij. Shqiptarët të mos njiheshin me lidhjet e tmerrshme të krimit të ministrave dhe deputetëve të Edi Ramës. Shqiptarët të mos njiheshin me mashtrimet e mëdha që Edi Rama kishte përgatitur ntë ashtuquajturin program të tij. Ndaj dhe përdorin dhunën, shkelmimin e Kushtetutës, shkelmimin e rregullores për të mbyllur seancën. Kjo është një betejë në vazhdim. Ne do të insistojmë me të gjitha mënyrat. Është bërë një vendim që ët kërkohet një mocion mosbesimi për Peleshin e Ramës dhe do të dërgohet në Gjykatë Kushtetuese. Tani unë u garantoj ju se protesta dhe vetëm protesta është rruga e vetme që ka opozita për t’i imponuar këtij narkoregjimi ligjin dhe Kushtetutën." tha Berisha
