Kryeministri Edi Rama promovoi dje me bujë të madhe 40 makinat e para ushtarake, sipas tij të prodhuara në Shqipëri, nga partneriteti...
POLITIKE
“Poshtë qeveria”/ Protestuesit i shkojnë Ramës te Kryeministria: I pabesë!
PiranjatPërditësimi i fundit 1 Gusht 2026, 20:09
Me flamuj kombëtarë, pankarta dhe thirrje kundër qeverisë, protestuesit janë nisur drejt Kryeministrisë pas grumbullimit në sheshin “Skënderbej” në Tiranë.
Tubimi nisi në qendër të kryeqytetit, ku qytetarë dhe përfaqësues të diasporës u mblodhën për të shprehur pakënaqësinë e tyre ndaj qeverisë.
Pas fjalimeve dhe thirrjeve në shesh, protestuesit nisën marshimin përgjatë bulevardit “Dëshmorët e Kombit” në drejtim të godinës së Kryeministrisë.
Gjatë marshimit, protestuesit kanë brohoritur thirrje kundër kryeministrit Edi Rama, mes tyre “Poshtë qeveria”, duke kërkuar dorëheqjen e tij dhe mbajtjen e përgjegjësisë për çështjet që ata i konsiderojnë problematike.
Në duar protestuesit mbajnë pankarta me mesazhe politike dhe kundër qeverisë, ndërsa kanë kundërshtuar edhe dokumentin strategjik të prezantuar nga kryeministri Rama, duke e shoqëruar me thirrjet “Edi Rama i pabesë”.
Diaspora shqiptare e ka cilësuar pjesëmarrjen në protestë si një mesazh solidariteti me qytetarët brenda vendit, ndërsa organizatorët kanë bërë thirrje që tubimi të zhvillohet në mënyrë paqësore.
Protesta vijon në bulevardin përpara Kryeministrisë, ndërsa pritet të ketë fjalime dhe reagime të tjera nga organizatorët.
