Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Protesta e 7 tetorit/ Bardhi në Fier: Shteti personal i Ramës shtyp të pamundurit dhe mbron kriminelët e të korruptuarit, marshoni drejt Tiranës!
M.B.Përditësimi i fundit 6 Tetor 2024, 11:46
FIERI- Kreu i Grupit Parlamentar të Partisë Demokratike, njëherësh dhe drejtuesi politik i qarkut të Fierit për zgjedhjet e vitit 2025, Gazment Bardhi ka vijuar thirrjen ndaj qytetarëve për t'iu bashkuar protestës së 7 tetorit. Bardhi ka zhvilluar një takim me qytetar në Rreth Libofsh të Fierit dhe me anë të një postimi në rrjetet socile ai shkruan se ishin një mundësi e mirë të mësuar edhe më shumë arsye që kanë qytetarët e qarkut Fier për të mos pranuar t'i nënshtrohen padrejtësive.
Ai shton se si asnjëherë më parë qytetarët janë të vendosur se ka ardhur koha për t'i treguar kryeministrit Edi Rama, se sipas tij, se boll është boll. Bardhi shkruan se 12 vjet janë shumë kohë e humbur. Sipas tij, shteti personal i Ramës shtyp të pamundurit dhe mbron kriminelët dhe të korruptuarit. Gjithashtu Bardhi thotë se është detyrë dhe mision i çdo qytetari të ndershëm që të reagojë ndaj tentativës së Partisë Socialiste për të zhbërë shtetin ligjor dhe për të instaluar shtetin personal të Ramës.
Reagimi i plotë i Gazment Bardhit:
Të hënën, datë 7 Tetor, ora 18:00, Fieri marshon drejt Tiranës!
Takimet në Rreth Libofsh të Fierit, për ti bërë thirrje qytetarëve për pjesëmarrje masive në protestën e të hënës, ishin një mundësi e mirë të mësuar edhe më shumë arsye që kanë qytetarët e qarkut Fier për të mos pranuar ti nënshtrohen padrejtësive. Si asnjëherë më parë qytetarët janë të vendosur se ka ardhur koha për ti treguar Edi Ramës se boll është boll. 12 vjet janë shumë kohë e humbur.
Shteti personal i Edi Ramës shtyp të pamundurit dhe mbron kriminelët dhe të korruptuarit. Është detyrë dhe mision i çdo qytetari të ndershëm që të reagojë ndaj tentativës së Partisë Socialiste për të zhbërë shtetin ligjor, dhe për të instaluar shtetin personal të Edi Ramës.
