Ka dhënë frymën e fundit në spitalin e e Traumës Klevis Dervishi, 16-vjeçari i cili ishte në luftë me jetën...
POLITIKE
"Protesta solli zgjimin e shoqërisë"/ Këlliçi: Rama e ka kthyer Shqipërinë në plaçkë
PiranjatPërditësimi i fundit 23 Gusht 2026, 13:27
Nënkryetari i PD, Belind Këlliçi, ka përshëndetur deklaratën e 212 arkitektëve, urbanistëve, inxhinierëve, pedagogëve dhe studiuesve, të cilët kanë ngritur shqetësime për vendimmarrjen mbi territorin e Shqipërisë.
Këlliçi thekson se territori duhet të konsiderohet pasuri publike dhe përgjegjësi ndaj brezave të ardhshëm.
Ai e lidh reagimin e profesionistëve me zhvillimet e bëra publike nga “Albanian Files”, duke akuzuar Ramën për ndikim në zhvillimin e territorit.
Qëndrimi publik i 212 profesionistëve të fushave të arkitekturës, zhvillimit urban, të inxhinierisë, që kërkojnë të ndalet mënyra si po trajtohet territori nga Edi Rama, është për t’u përshendetur. Ata vetë e pranojnë se edhe më herët duhet të ishte reaguar.
Mesazhi i kësaj deklarate është i qartë. Territori është pasuri publike dhe përgjegjësi për brezat që do lëmë pas, ndaj duhet trajtuar me transparencë, me ligjshmëri, me integritet dhe kritere shkencore.
Ky reagim vjen pas zbulimeve të fundit me Albanian Files, ku del qartë se Edi Rama e ka kthyer Shqipërinë në plaçkë me miqtë personalë arkitektë të huaj, me të cilët ndan sipas trilleve të tij pasuritë e vendit.
Protesta e qytetarëve në shesh ka nxitur kontestim e ngritje të zërit nga shumë njerëz dhe ka sjellë një zgjim të shoqërisë.
Edi Rama nuk është më i pranueshëm nga askush dhe largimi i tij është nevoja që bashkon sot shqiptarët kudo.
