Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
POLITIKE
"Protestat kanë tmerruar hajdutët e kombit", Berisha: Edi Rama tmerrohet se mos po e vret Adriana Kalaja dhe urdhëron shoqërimin e saj!
n.fPërditësimi i fundit 25 Korrik 2024, 21:32
Berisha
TIRANË- Kreu i Partisë Demokratike, Sali Berisha ka mbajtur edhe mbrëmjen e sotme një fjalim para mbështetësve të tij të mbeldhur poshtë ballkonit. Berisha u shpreh se protesta është sot kryefjala e shqiptarëve. Ai u shpreh se para tre ditësh fermerët e Maliqit bllokuan rrugët dhe protestuan për të drejtat e tyre ndërsa dje guximtarët e Thumanës, Mamurrasit, Fushë Krujës, bllokuan autostradën e gjobës së qytetarëve me guxim të madh.
Berisha gjithashtu vuri në pah edhe protestën para bashkisë ndërsa u shpreh se sot ata rrethuan bashkinë e Tiranës. Ai theksoi se protesta dhe vetëm protesta është rruga drejt krijimit të qeverisë teknike, zgjedhjeve të lira, rotacionit dhe fitores së opozitës.
Berisha më tej tha se Edi Rama tmerrohet se mos po e vret Adriana Kalaja. Ai theksoi se Edi Rama urdhëron Taulantin e tij të shoqërojë në polici zonjën Kalaja, sepse fjalën e tij, kritikat, i konsideron shigjeta dhe plumba vetë, por jo më pak edhe e shoqja e tij, që u thoshte gazetarëve që po u bëni gjilpëra helmi burrit tim.
Miqtë e mi, protesta është sot kryefjala e shqiptarëve. Para tre ditësh, fermerët e Maliqit bllokuan rrugët dhe protestuan për të drejtat e tyre. Dje guximtarët e Thumanës, Mamurrasit, Fushë Krujës, bllokuan autostradën e gjobës së qytetarëve me guxim të madh. Sot rrethuan bashkinë e Tiranës. Protesta dhe vetëm protesta është rruga drejt krijimit të qeverisë teknike, zgjedhjeve të lira, rotacionit dhe fitores së opozitës.
Miqtë e mi, protestat kanë tmerruar hajdutët e kombit. Erion Veliaj futet me mburoja antiplumb në zyrën e tij në mbledhjen e Këshillit. Altin Dumani futet me badigardë në mbledhjen e KLP. Edi Rama tmerrohet se mos po e vret Adriana Kalaja. Edi Rama urdhëron Taulantin e tij të shoqërojë në polici zonjën Kalaja, sepse fjalën e tij, kritikat, i konsideron shigjeta dhe plumba vetë, por jo më pak edhe e shoqja e tij, që u thoshte gazetarëve që po u bëni gjilpëra helmi burrit tim.
Edi Rama, të ka kapur tmerri për krimet që ke kryer. E përfiton veten të dënuar jo në burg, por së paku gjysmë shekulli burg për aferat, për vjedhjet e tmerrshme. Për zhdukjen e 130 milionë eurove të djegësit të Tiranës me Erion Veliajn. Për zhdukjen e qindra milionë eurove me Vilma Nushin dhe Ilir Beqajn dhe Manastirliun në koncesionet e krimit të shëmtuar.
Koncesionet që e shndërruan shëndetësinë shqiptare, Ministrinë e Shëndetësisë në një bursë vdekje për shqiptarët. Koncesionet që rritën 83 herë çmimin e sterilizimit për t’u pasuruar si të pangopur dhe të pamëshirë mbi jetën e të sëmurëve shqiptarë, mijëra prej të cilave mbetën pa u operuar për shkak të çmimeve të larta të seteve kirurgjikale.
